Komuna e Tetovës ka njoftuar qytetarët se do të mund të paraqesin dëmet e shkaktuara nga reshjet e 24 qershorit në komisionin për vlerësimin e dëmeve, transmeton Portalb.mk.
“Të gjithë qytetarët e Komunës së Tetovës të cilët kanë pasur dëme në amvisëri, të njëjtat t’i paraqesin në Komunën e Tetovës, deri te komisioni për vlerësimin e dëmeve”, njoftoi Komuna.
Ata theksojnë që kjo mundësi është për qytetarët e Tetovës me rrethinë, por në Komision duhet të paraqiten edhe fotografitë si dëshmi.
Rrugë të bllokuara, vetura me xhama të thyer, bodrume të përmbytura, pemë të shkatërruara, ky është bilanci i reshjeve të djeshme të shiut në Tetovë, të cilat për rreth një orë u intensifikuan edhe me breshër. Përderisa qytetarët deri në orët e vona i kanë pastruar bodrumet e shtëpive të tyre të përmbytura, bordumi i Spitalit Klinik vazhdon të jetë i mbushur me ujë dhe kundërmojë erë të keqe. Portalb.mk solli një pasqyrë gjithëpërfshirëse se çfarë ndodhi në 24 orët e fundit.
Në lidhje me dëmet bujqësore, Komuna ka sqaruar që i janë drejtuar Ministrisë së Bujqësisë, Pylltarisë dhe Ekonomisë së Ujërave që të ndërmerren hapat e nevojshme ligjore me qëllim të dëmshpërblimit të të gjithë bujqve.
- LEXO: Spitali dhe shtëpitë nën ujë, Tetova edhe këtë herë e papërgatitur për vërshimet (Video)
- LEXO: RMV, pasojat e motit me shi: Shtëpi dhe bodrume të përmbytura, pemë të rrëzuara, automjete të shkatërruara
- LEXO: Reshjet e shiut shkaktuan dëme dhe bllokuan disa rrugë në Tetovë (FOTO+VIDEO)
- LEXO: Priten reshje në Tetovë, sa është qyteti i përgatitur për menaxhim me krizë të vërshimit?
- LEXO: Përmbytjet dhe zjarret do të shpeshtohen, Maqedonia po përgatit dokument për organizimin e menaxhimit të krizave