Opozita kërkoi kthimin e nenit të vjetër 353 të Kodit Penal, të cilin vetë e hoqën në vitin 2023. Ata besojnë se ia vlen ta rikthejnë në fuqi sepse, kur krimi shkakton dëme të konsiderueshme, nuk ka kufi për dënimin e sipërm, i cili mund të jetë deri në 20 vjet burg, duke e bërë më të vështirë parashkrimin e krimit. Ata gjithashtu akuzuan se, në amendamentin e ri të propozuar të ligjit, neni 353-c fshin paragrafin 5, i cili rregullon zyrtarët ose personat përgjegjës si ministrat dhe drejtorët e emëruar nga qeveria, raporton Telma, përcjell Portalb.mk.
Shumica pretendon se zgjidhja aktuale është zhvilluar me urdhër të BE-së. Opozita gjithashtu akuzoi se, në fushën e prokurimit publik, përshkrimi i krimit po ngushtohet dhe sjellje të caktuara po dekriminalizohen. Ata gjithashtu kërkuan nga “E majta” një shtrëngim të politikës penale për krimet e kryera nga persona që kryejnë funksione publike. Ata besojnë se, me ndryshimet e propozuara, pandëshkueshmëria e zyrtarëve të lartë ende mundësohet sistematikisht.
Për deputetët e shumicës në pushtet, këto ndryshime janë një shfaqje teatri. Ligji u paraqit pas vendimit të Gjykatës Kushtetuese të shkurtit të vitit të kaluar, i cili i dha Parlamentit një afat deri në vitin 2023 për të ndryshuar dispozitat e kontestuara, me qëllim parandalimin e një boshllëku të mundshëm ligjor pas shkeljes së afatit. Ministria e Drejtësisë po përgatit një ligj të ri.
Tendenca e ndryshimeve të propozuara në ligj është të shtrëngojë politikën penale duke rritur dënimet ekzistuese të përcaktuara për veprat penale të abuzimit të pozicionit dhe autoritetit zyrtar sipas nenit 353, si dhe bashkimit kriminal sipas nenit 394. Gjithashtu është futur një vepër e re penale – inkriminimi i keqpërdorimit të regjistrimit dhe fotografisë së dikujt tjetër me përmbajtje eksplicite seksuale.
Gjithashtu është përfshirë dispozita për konfiskim të zgjeruar, dhe dhuna në familje do të ndiqet penalisht sipas detyrës zyrtare.
Ndryshe, Platforma e organizatave të shoqërisë civile për luftë kundër korrupsionit nuk pajtohet me ndryshimet dhe plotësimet e propozuara për Kodin Penal. Sipas tyre, këto ndryshime nuk i largojnë dëmet thelbësore të shkaktuara me ndryshimet e Kodit penal të shtatorit 2023, por përkundrazi e dobësojnë më tej mbrojtjen penale-juridike nga korrupsioni dhe keqpërdorimi i pozitës zyrtare.
Propozim-ligji për ndryshim dhe plotësim të Kodit penal është parashtruar nga deputetët e VMRO-DPMNE-së: Bojan Stojanoski, Ljupço Prenxhov, Toni Jarevski, Brane Petrushevski, Dragana Bojkovska, Dafina Stojanoska, Igor Zdravkovski, Lidija Petkoska dhe Martin Stojanovski.
Sipas tyre, me ndryshimet e reja në Kodin Penal do të shmangen pasojat e mundshme të dëmshme në të ardhmen nga ndryshimet ligjore të miratuara në shtator të vitit 2023, ndërsa propozimi synon gjithashtu përmbushjen e standardeve evropiane dhe ndërkombëtare.
- LEXO: Platforma kundër korrupsionit: Ndryshimet në Kodin Penal nuk i largojnë dëmet e 2023, kërkojnë rikthimin e dispozitave
- LEXO: Ndryshimet në Kodin Penal, Sabina Fakiq: Dekriminalizohet një spektër i gjerë i abuzimeve me tenderët
- LEXO: Ndryshimet në Kodin Penal në RMV ndanë komunitetin juridik: Për disa janë kozmetike, për të tjerë duhet të plotësohen
- LEXO: Zyrtarët nuk do të mbajnë përgjegjësi për korrupsion me ndryshimet e reja në Kodin Penal, tha prokurorja Ristoska
- LEXO: U rikthyen dispozitat e fshira nga Kodi Penal i RMV-së që i shpëtonin zyrtarët nga vjedhja, por tani u jepet mundësia për dënim me kusht