Forcat e Armatosura Letoneze thanë se dy dronë kishin hyrë në territorin letonez dhe u rrëzuan në rajonin lindor të Latgale, transmeton Portalb.mk.
Gjatë natës, autoritetet lëshuan paralajmërime me SMS për banorët e distrikteve Balvi, Luzha dhe Rezekne në lindje të vendit. Dronët u rrëzuan rreth orës 5:30 të mëngjesit. Forcat e Armatosura Kombëtare, policia dhe shërbimet zjarrfikëse janë në vendngjarje.
Shërbimi Publik i Transmetimit Letonez (LSM) tha se dronët kishin hyrë në hapësirën ajrore letoneze nga drejtimi i territorit rus, por shtoi se kjo nuk do të thotë domosdoshmërisht se ato ishin dronë rusë.
Policia tha se një nga dronët u rrëzua në një depo nafte në qytetin e Rezekne, rreth 40 kilometra larg kufirit rus. Ai goditi katër rezervuarë bosh nafte. Mediat lokale, duke cituar burime policore, raportuan se një zjarr shpërtheu në vendngjarje, i cili u shua më vonë.
Në qytetin e Rezekne, të gjitha shkollat do të jenë të mbyllura sot.