Në lidhje me korrigjimin e librit të historisë dhe shoqërisë, mësimdhënësit me dhjetë vjet përvojë pune mund të paraqiten

F1 C 19:26, 05-02-2023

Historia dhe Shoqëria- libri i klasës së pestë (Foto: F1C)

Ministria për Arsim dhe Shkencë do të pranojë deri më 14 shkurt aplikime nga mësimdhënësit për të marrë pjesë në Komisionin për korrigjimin e librit të historisë dhe shoqërisë për klasën e pestë, transmeton Portalb.mk.

“Thirrje për shprehje e interesit për pjesëmarrje në komisionin për dhënien të mendimit për propozimet e dorëzuara për korrigjime dhe/ose plotësime në tekstin e tekstit shkollor, ndërsa të njëjtat nuk përfaqësojnë më shumë se 30% të përmbajtjes së tekstit shkollor për lëndën “Histori dhe shoqëri” për klasën e 5-të në arsimin fillor nëntëvjeçar”, raportoi Ministria.

Kandidatët duhet të jenë 10 vjet mësimdhënës në fakultetin e fushës ku bën pjesë edhe libri ose të jenë 10 vjet mësimdhënës i fillores në lëndën ku bën pjesë libri.

Në fund të dhjetorit të vitit të kaluar, Ministria e Arsimit dhe Shkencës dhe Shërbimi Pedagogjik informuan se do të formohet komision që do të shqyrtojë të gjithë përmbajtjen dhe do të jep propozim për korrigjimet përkatëse në tekstin shkollor të Historisë dhe Shoqërisë për klasën e pestë.

Ndryshe, në tekstin shkollor ka pretendime të pasakta në temën “Popullsia dhe kontinentet”, por edhe, me sa duket, për përkthim të dobët të informacionit. Kështu thuhet se vendi ynë kufizohet me Shqipërinë në lindje dhe me Bullgarinë në perëndim. Përveç kësaj, libri thotë thotë se mali Everest është pika më e lartë në tokë në një lartësi të pabesueshme 29,035 metra mbi nivelin e detit, dhe pika më e ulët është Deti i Vdekur i cili është “më shumë se 1,400 metra nën nivelin e detit”. Përveç kësaj, ka shumë gabime gjuhësore dhe drejtshkrimore, një shembull i të cilave është fjalia “Australia është kontinenti më i vogël dhe është i vetmi në botë që përbëhet nga vetëm një vend”.

Si autore të tekstit janë nënshkruar Anita Angellovska dhe Glikeria Illioska. Recensentë janë Besa Havziu-Ismaili, Aneta Soklevska dhe Violeta Shurbanovska, kurse korrektuese Violeta Jovanovska-Nikovska.

Reagimin për tekstin e ka bërë edhe Shoqata e Historianëve, e cila ka reaguar për një sërë faktesh të pasakta në tekst. Ata përmendën më shumë se 12 gabime.