RMV, mund të rritet ndotja e ajrit në ditët në vijim, rekomandime për festat e fundvitit
Janë ndërprerë së zbatuari rekomandimet dhe masat për tejkalimin e pragut të alarmimit për shkak të ndotjes së ajrit, njoftoi Ministria e Mjedisit Jetësor dhe Planifikimit Hapësinor (MMJPH), e cila po ashtu ka dhënë rekomandime për qytetarët për ditët në vijim sepse kushtet e motit tregojnë se mund të ketë rritje të përqendrimit të grimcave PM10 përsëri ajër, transmeton Portalb.mk.
“Sipas të dhënave nga Sistemi Shtetëror i Monitorimit të Cilësisë së Ajrit të Ambientit të datës 26.12.2022, përqendrimet mesatare ditore të grimcave PM10 janë nën kufirin e përcaktuar të alarmit prej 150 mg/m3, dhe episodi i dy ditëve radhazi është ndërprerë në Shkup dhe pushojnë së vlefshmi rekomandimet dhe masat për tejkalimin e pragut të alarmit”, thonë nga Ministria.
Ndërsa për ditët në vijim, ata parashikojnë rritje të mundshme të ndotjes së ajrit. Rekomandimet e dhëna nga MMJPH për qytetarët gjatë festave pasuese janë:
- Të mos përdorin automjete pa ndonjë nevojë;
- Më shumë persona të udhëtojnë në një makinë në të njëjtën kohë;
- Përdorimi i transportit publik;
- Të mos përdoren për ngrohjen e hapësirave mbetjet e vajit të djegur, mbeturinat e drurit dhe mobiljeve të llakuara ose të lyera, stiropori, ambalazhet PET, copat e gomës dhe çdo material sintetik.
- Të përdoren në mënyrë të duhuer sobat e drurit.
Ministria e Shëndetësisë dhe Instituti i Shëndetit Publik rekomandojnë që popullata më e cenueshme (fëmijët, të moshuarit, pacientët me sëmundje kronike të sistemit pulmonar dhe kardiovaskular, me rrezik të veçantë për pacientët me astmë pulmonare) të kufizojnë lëvizjet dhe aktivitetet e tyre në mjedise të hapura në zonat e ndotura të qytetit.
Prej disa ditësh qyteti i Shkupit qëndron në krye të listave për ndotjen e madhe të ajrit, së bashku me disa qytete tjera botërore nga Kirgistani e Pakistani.
