Ngjarjet më të rëndësishme që shënuan vitin 2022 në Maqedoninë e Veriut

Elida Zylbeari 00:01, 01-01-2023

Foto e vitit 2022, edituar nga Suad Bajrami/Portalb.mk

Krizë, luftë, inflacion, shtrenjtim dhe bomba. Fjalët që u bënë përditshmëri në vitin 2022.

Viti filloi me të dielën ditë-jopune. Lajmi i mirë për ata punëtorë që eksploatohen pamëshirshëm nga pronarët, që nuk janë pak në shtetin tonë dhe që bëjnë çmos për të nënçmuar dhe larguar fuqinë punëtore, sidomos të rinjtë.
Në janar, sytë na u drejtuan te qeveria e re me kryeministër të ri. Me shumë premtime për një jetë më të mirë, ministrat e ri dhanë betimin e tyre se do jenë në anën e qytetarëve. Por, qytetarët ende presin të ndodhë “ajo më e mira” përderisa ballafaqohen me sfida për mbijetesë. Kjo, vërtetë nuk është e drejtë. Çdo qeveri sjell shpresa të reja për t’i shuar ato më pas, fije për fije.

U rrit paga minimale, por jo për të gjithë, dhe kjo ende më shumë thelloi hendekun e varfërisë në vend. Qytetarët tentojnë të gjejnë mënyra më të lehta për të marrë para, duke u bërë kështu viktima të skemave piramidale të mashtrimeve me kriptovaluta e me loja të rreme nëpër rrjetet sociale.

Dhe sapo menduam që dolëm nga një krizë e madhe e pandemisë, ndodhi Ukraina. Pamjet e trishta për çdo ditë frikësuan të gjithë, duke jetuar çdo ditë me shumë pikëpyetje: mos vallë do të ndodhë lufta atomike?! Deri më tani, falë Zotit, ende jemi mirë. U rreshtuam me Ukrainën, dhe Rusia na futi në listën e vendeve armike. Dhe kjo është sukses dhe krenari, për një vend si Maqedonia të stërmbushur me rusofilë (mos e harroni rastin Onishenko) dhe serbofilë.

Në pranverë më në fund flakëm maskat që mbanim në fytyrë. U çliruam nga tirania e pandemisë edhe pse virusi gjithmonë do të jetë prezent, por tani më “ia kemi marrë dorën”.

Imagjinoni, u gëzuam edhe për publikimin e rezultateve të regjistrimit të popullatës, sikur të kishim kryer diçka të jashtëzakonshme dhe jo një operacion numërimi. Bota e zhvilluar dërgoi satelit në gjithësinë e thellë, dhe përgatitet për misione në Mars e Hënë, e ne, më në fund e dimë sa banorë ka Maqedonia! Wow bravo!

Gjatë vitit, ishim dëshmitarë të punës së “shkëlqyer” të gjyqësorit. Ish ministri Janakievski u dënua katër herë, e ai azilanti/kriminel tri herë. Ndërkaq turpi më i madh ishte rasti me kryespiunin i cili mori disa dënime, ama e shpëtuan gjykatësit e “Svarovskit”. Ishte kjo “dhuratë” e hidhur për fundvit, që me gjasë edhe ata 8 banorë që i besojnë gjyqësorit në vend, të ndërrojnë mendje. E ku t’i besojmë sistemit gjyqësor kur u dëshmua se të padiplomuarit kanë marrë pozita të ndryshme pa meritë. Kjo s’do më shumë fjalë. Pamë situatë tragjikomike me Ruskovskën e Muaremin si dhe nuk mungoi “show”-i me zgjedhjen e Abazit në krye të prokurorisë.
Mos dhëntë Zoti të kesh punë me sistemin tonë të drejtësisë, është urimi i redaksisë tonë në këtë ndërrim motmotesh për lexuesit tonë.

Një gjë e mirë që ndodhi në verë ishte fakti që pas 17 vitesh pritje, Maqedonia e Veriut i filloi bisedimet hyrëse me BE-në. Tani na pret puna më e madhe, nëse duam të mbarojmë me sukses këto bisedime. Zyrtarët duhet të përveshin duart dhe të ndryshojnë Kushtetutën. Përpos kësaj, puna ende më e madhe është të reformohemi, që t’i ngjajmë një shteti evropian. E kjo gjë, nuk varet vetëm nga zyrtarët, por edhe nga vetë ne.

Goditjen më të madhe morëm në vjeshtë, duke parë si çmimet po ngriten në tavan. Po përballemi me inflacion dhe shtrenjtime astronomike. Madje dhe me shtrenjtime të paarsyeshme që s’kanë të bëjnë me krizën globale, nga profiterë të ndryshëm vetjak që nuk sanksionohen nga inspektoratet! Se si do t’ia dalim, mbetet të shihet..

Tetova kishte zgjedhje dhe largoi aktivistët nga Këshilli komunal, sepse ishin shumë të zëshëm dhe u pengonin partive në agjendat e tyre. Tetovarëve u mbetet të presin rezultate konkrete nga gjykimi që filloi për zjarrin në Spitalin Modular ku humbën jetën 14 persona. Nga ana tjetër, shkupjanët për herë të parë në historinë e transportit publik, nuk e dinë çfarë do të ndodhë me të. Kjo, pasi në krye zgjodhën një kauboj-e e cila së bashku me partitë dhe ata që e mbështetën, trazuan gjithë sistemin pa fije përgjegjësie. Banorët si gjithnjë i ndjejnë pasojat.

Viti i ri shkollor filloi me mungesë të mjeteve bazë: librave! Kjo nuk është shaka, ne vërtetë jemi vend i çudirave. Vend që presim nga ambasadorja amerikane të na largojë të korruptuarit sepse jemi aq thellë të zhytur në këtë llom saqë nuk e dimë nga kush t’ia fillojmë. Duhet nga vetja, ama kjo është puna më e vështirë që duhet ta bëjmë.

Vitin e përmbyllim si gjithnjë: me ndotje të ajrit si në Shkup ashtu edhe në qytetet tjera, të helmuar deri në palcë. E përmbyllim të gjendur në mes të luftës hibride që na ka shpallur Rusia, me dezinformata dhe me mbjellje të frikës duke lëshuar alarme të rreme për bomba. Për këtë të fundit, të mos bëjmë panik, vend i NATO-s jemi, të mbrojtur jemi dhe alarmet do të ndalen.

Për redaksinë tonë, këtë vit, ngjarje e rëndësishme ishte mbushja e një dekade. Festuam 10 vjetorin me urata dhe vlerësime për profesionalizmin e lartë gazetaresk, të dëshmuar si portal serioz dhe më i besueshëm nga mediat shqiptare online në Maqedoni. Ashtu do të mbetemi, premtojmë!
(Jo nga ata premtimet e zyrtarëve, padyshim!)

Ju urojmë shumë shëndet dhe suksese të reja!

Më poshtë, ekipi i Portalb-it ka bërë një radhitje kronologjike të të gjitha ndodhive më të rëndësishme politiko-sociale në vend të radhitura sipas datave dhe muajve përkatës.

JANAR

1 janar	Në RMV hyri në fuqi ligji i cili parasheh që e diela të jetë ditë jopune	https://wp.me/patqqI-3gQs
3 janar	Gjykata Supreme i hodhi poshtë ankesat e të dënuarve në rastin “Kumanova”	https://wp.me/patqqI-3gVD
11 janar	Qeveria e shkarkoi përfaqësuesin special të ngarkuar për bisedimet ndërmjet Maqedonisë së Veriut dhe Bullgarisë	https://wp.me/patqqI-3heZ
16 janar	U votua qeveria e re, Dimitar Kovaçevski kryeministër	https://wp.me/patqqI-3hp9
18 janar	Gavrill Bubevski u zgjodh kryetar i Prokurorisë Publike të Shkupit	https://wp.me/patqqI-3htp
24 janar	Skemë piramidale, “BigCommerce” i dogji qytetarët e RMV-së	https://wp.me/patqqI-3hHz
25 janar	Seancë qeveritare Bullgari-Maqedoni e Veriut, u nënshkruan disa memorandume	https://wp.me/patqqI-3hIq
25 janar	Prokuroria bullgare e përfundoi hetimin për aksidentin tragjik ku humbën jetën 45 persona: Shoferi ka humbur kontrollin e autobusit	https://wp.me/patqqI-3hKW

Qeveria e RMV-së 2022, foto: Profili në Facebook i Dimitar Kovaçevskit

SHKURT

4 shkurt	Protestë në Shkup: Vdekja e Rexhail Qerimit në burg e dyshimtë, hetim ndërkombëtar për të gjitha rastet e montuara	https://wp.me/patqqI-3i5X
11 shkurt	Numri evropian për raste urgjente 112, u lëshua në përdorim edhe për qytetarët e Maqedonisë së Veriut	https://wp.me/patqqI-3inI
14 shkurt	Rreth 40 persona të sektit fetar “Lev Tahor” arritën në RMV, pas sulmeve u larguan	https://wp.me/patqqI-3iv5
16 shkurt	Pas vetëm 13 ditëve në burg, gjykatësi Vlladimir Pançevski që e keqpërdori AKMIS-in doli në liri, Supremja e pranoi ankesën	https://wp.me/patqqI-3iBK
22 shkurt	Protesta në Tetovë, Antibixhozi kërkon që presidenti të mbledh liderët e partive politike dhe të zgjidhin problemin me bixhozin	https://wp.me/patqqI-3iO3
23 shkurt	Kuvendi e miratoi ligjin që paga minimale të rritet në 18.000 denarë	https://wp.me/patqqI-3iOQ
24 shkurt	Rusia filloi pushtimin e Ukrainës: RMV iu bashkëngjit thirrjeve dhe sanksioneve të botës perëndimore për të ndaluar luftën	https://wp.me/patqqI-3iRA
25 shkurt	Protesta para Ambasadës së Rusisë në Shkup: “Putini është fashist”, “Stop gjenocidit”	https://wp.me/patqqI-3iXp
28 shkurt	Rasti ‘Titanik’, Martin Protugjer u dënua me kusht, Mile Janakievski me 4.5 vjet burg, ndërsa Gordana Jankullovska me 2.5 vjet	https://wp.me/patqqI-3j8b

MARS

7 mars	Rusia vendosi Maqedoninë e Veriut në “listë të zezë”	https://wp.me/patqqI-3jwT
8 mars	Marsh për të drejtat e grave në Shkup: Varfëria ka fytyrë gruaje	https://wp.me/patqqI-3jyN
10 mars	Mile Janakieski u dënua me dy vjet burgim me kusht për autobusë kinezë, Igor Janushev nuk e pranoi fajin	https://wp.me/patqqI-3jEu
11 mars	Administratorët e “Dhomës Publike” u dënuan me nga katër vite burg	https://wp.me/patqqI-3jH3
25 mars	Izet Zeqiri u zgjodh rektor i Universitetit “Nënë Tereza”	https://wp.me/patqqI-3kix
28 mars	Maqedonia e Veriut shpalli persona “non grata” pesë diplomatë rusë	https://wp.me/patqqI-3kpV
29 mars	ARM e shënoi 30-vjetorin e themelimit të saj	https://wp.me/patqqI-3ks4
30 mars	Enti Shtetëror i Statistikave i shpalli rezultatet e regjistrimit të popullsisë	https://wp.me/patqqI-3kuI

Regjistrimi, foto MPPS — Regjistrimi në Qendrën Pranuese Vizbeg, foto MPPS

PRILL

5 prill	Tre vjet e gjysmë burg për ish ministrin Mile Janakieski në rastin “Toplik”	https://wp.me/patqqI-3kLo
6 prill	Portalb.mk shënoi dhjetë vjetorin e themelimit	https://wp.me/patqqI-3kk5
6 prill	Pas dy vitesh pandemi, RMV miratoi vendim për mosmbajtje të maskave mbrojtëse	https://wp.me/patqqI-3kNp
8 prill	Muhamed Zekiri dha dorëheqje nga pozita e sekretarit të Qeverisë pasi Prokuroria ngriti procedurë hetimore nën dyshimin për keqpërdorim të detyrës zyrtare	https://wp.me/patqqI-3kSE
11 prill	Sindikata për Arsim, Shkencë dhe Kulturë hyri në grevë në çerdhe dhe shkolla	https://wp.me/patqqI-3kX9
11 prill	SHBA i vendosi në listë të zezë 7 persona nga Ballkani Perëndimor, në mesin e tyre edhe Nikolla Gruevskin dhe Sasho Mijallkovin	https://wp.me/patqqI-3kYJ
14 prill	Zjarr tek ish fabrika “Treska”, kryetarja e Shkupit Danella Arsovska hodhi dyshime për zjarrvënie të qëllimshme	https://wp.me/patqqI-3l4u
21 prill	Rasti “Parcelat në Vodno”, Nikolla Gruevski u dënua me 7 vjet burg, Sasho Mijallkov me 1 vjet e 3 muaj, Orce Kamçev me 1 vjet	https://wp.me/patqqI-3lio
26 prill	Rritje e enorme e çmimeve të produkteve ushqimore	https://wp.me/patqqI-3lpN
27 prill	DOSJE: Pesë vjet nga dita e përgjakshme e 27 prillit në RMV, detaje si ndodhi kjo ngjarje e dhunshme	https://wp.me/patqqI-3ls5
28 prill	Pas 17 ditësh, Sindikata për Arsim, Shkencë dhe Kulturë e pezulloi grevën në shkolla dhe çerdhe, nxënësit u rikthyen në shkolla	https://wp.me/patqqI-3lwo
29 prill	Rasti “Perandoria”, Orce Kamçev e pranoi fajin dhe arriti marrëveshje me Prokurorinë: 1 vjet burg dhe 5.1 milionë euro	https://wp.me/patqqI-3lzQ

MAJ

1 maj	Lidhja e Sindikatave e shënoi me protestë Ditën e Punëtorëve	https://wp.me/patqqI-3lCr
6 maj	Në poligonin ushtarak “Krivollak” nisi stërvitja ushtarake “Swift Response 22” me 4.600 ushtarë të NATO	https://wp.me/patqqI-3lNm
9 maj	DOSJE: 7 vjet nga ngjarja e armatosur në “Lagjen e Trimave” të Kumanovës	https://wp.me/patqqI-3lQi
10 maj	Patrikana Ekumenike e Kostandinopojës e pranoi Kishën Ortodokse Maqedonase – Kryepeshkopata e Ohrit si kanonike, niveli i fundit përpara autoqefalisë	https://wp.me/patqqI-3lSb
11 maj	Autobusët “privat” të linjës 19 ndaluan të qarkullojnë pasi Qyteti i Shkupit nuk u ka lëshuar mjete financiare	https://wp.me/patqqI-3lUB
20 maj	Rasti “Kosmos”, 9 vjet burg për Nikolla Gruevskin, nga 4 për Toni Trajkovskin dhe Elizabeta Najdovskën dhe 3 për Mile Janakieskin	https://wp.me/patqqI-3mdG
26 maj	Padi penale për 7 persona pasi një tokë që kushton 35.000 euro ia kanë shitur EVN-së 1.6 milion euro	https://wp.me/patqqI-3moV
30 maj	Zjarr në hapësirat e ish fabrikës “Makedonija Tabak” dhe “Pofix” në Tetovë	https://wp.me/patqqI-3mvS
31 maj	Fondacioni Metamorfozis organizoi konferencë në temë “Përballja me dezinformatat në Republikën e Maqedonisë së Veriut”	https://wp.me/patqqI-3mB1

Zjarri në objektin afarist në Tetovë, Foto: Fisnik Xhelili/Portalb.mk

QERSHOR

1 qershor	Aktakuzë për Lidija Dimovës dhe dy personave të tjerë për shpërdorim të parave evropiane: Prokuroria vlerësoi dëm prej 320.000 eurove	https://wp.me/patqqI-3mCY
2 qershor	Maqedonia e Veriut e nisi dialogun strategjik me Shtetet e Bashkuara të Amerikës	https://wp.me/patqqI-3mFh
8 qershor	Në Ohër u mbajt samiti dyditor i iniciativës “Ballkani i Hapur”	https://wp.me/patqqI-3mNi
8 qershor	Nikolla Gruevski u dënua me 6 vjet burg, Kiril Bozhinovski me 2 vjet për ndërtimin e pallatit të VMRO-DPMNE-së	https://wp.me/patqqI-3mOQ
11 qershor	Kancelari gjerman Olaf Scholz për vizitë zyrtare në Shkup	https://wp.me/patqqI-3mVw
14 qershor	Qeveria miratoi vendim: Tetova shkon në zgjedhje për Këshillin Komunal pasi nuk e miratoi llogarinë përfundimtare	https://wp.me/patqqI-3n0E
16 qershor	Kryetari i Këshillit Evropian, Charles Michel për vizitë në Maqedoninë e Veriut	https://wp.me/patqqI-3n4u
17 qershor	Katër vjet nga “Marrëveshja e Prespës” që i dha fund sherrit 27-vjeçar Maqedoni-Greqi, tani “Deja Vu” me Bullgarinë	https://wp.me/patqqI-3n5q
17 qershor	Në media u publikua përmbajtja e propozimit të Francës për tejkalimin e vetos së Bullgarisë ndaj Maqedonisë së Veriut	https://wp.me/patqqI-3n8x
18 qershor	VMRO-DPMNE protestoi para Qeverisë, Hristijan Mickoski hodhi poshtë propozimin francez, i cili parasheh futjen e bullgarëve në Kushtetutë	https://wp.me/patqqI-3n8R
22 qershor	Bullgaria e shkarkoi Qeverinë e kryeministrit Petkov, një nga arsyet llogaritet edhe problemi me Maqedoninë e Veriut	https://wp.me/patqqI-3ngV
24 qershor	Sofja miratoi propozimin francez, Shkupi e refuzoi	https://wp.me/patqqI-3nlp
27 qershor	Rryma u shtrenjtua për 7.4%, Komisioni Rregullator i Energjetikës i publikoi rregullat e reja për llogaritjen e faturave	https://wp.me/patqqI-3nsQ

Protesta e VMRO-DPMNE-së, 18.06.2022, foto: Portalb.mk — Protesta e opozitës maqedonase kundër propozimit-francez, 18.06.2022, foto: Portalb.mk

KORRIK

1 korrik	Pas takimit me partnerët e koalicionit, Qeveria e publikoi propozimin e modifikuar francez	https://wp.me/patqqI-3nwr
4 korrik	Dhunë në protestën e VMRO-DPMNE-së kundër “propozimit francez” para Qeverisë dhe Kuvendit	https://wp.me/patqqI-3nEz
6 korrik	Policia parandaloi incident ndëretnik në sheshin “Skënderbeu” gjatë protestës antievropiane, u arrestua një person për gjuajtje me armë zjarri	https://wp.me/patqqI-3nJ5
8 korrik	Sasho Mijallkov pranoi fajin për rastin “Perandoria” dhe u dënua me 3 vjet burg dhe konfiskim të pasurisë në vlerë prej 36 milionë euro	https://wp.me/patqqI-3nNd
14 korrik	Presidentja e Komisionit Evropian- Ursula von der Leyen. Mbajti fjalim para deputetëve të RMV-së dhe kërkoi të pranohet propozimi francez	https://wp.me/patqqI-3nXz
16 korrik	Kuvendi i RMV-së i tha “po” propozimit francez, faktori ndërkombëtar e përshëndeti, Qeveria e miratoi	https://wp.me/patqqI-3o12
18 korrik	Gazetarët hulumtues të IRL-së e publikuan dokumentarin “Gjaku i pistë”: Klinika “Zhan Mitrev” ka bërë eksperiment të paligjshëm me pacientët dhe i ka “rrjepur” qytetarët	https://wp.me/patqqI-3o44
19 korrik	Pas 17 vitesh pritje, Maqedonia e Veriut i filloi bisedimet hyrëse me BE-në, u mbajt konferenca e parë ndërqeveritare	https://wp.me/patqqI-3o3V
19 korrik	Maqedonia e Veriut e filloi procesin e skriningut shpjegues në Bruksel	https://wp.me/patqqI-3o78
27 korrik	Kuvendi i Maqedonisë së Veriut i ratifikoi protokollet për hyrjen e Finlandës dhe Suedisë në NATO	https://wp.me/patqqI-3omd

Partnerët e koalicionit qeveritar — Qeveria e publikoi përmbajtjen e propozimit francez

GUSHT

3 gusht	Përplasje mes drejtorit të Policisë Financiare Arafat Muaremi dhe prokurores për Krim të Organizuar dhe Korrupsion, Vilma Ruskovska	https://wp.me/patqqI-3oyX
11 gusht	Qeveria e Maqedonisë së Veriut miratoi vendimin për ndalimin e eksportit të farave të lulediellit për shkak të krizës ekonomike	https://wp.me/patqqI-3oTx
12 gusht	Prokuroria filloi procedurë hetimore kundër Zhan Mitrevit për shkak të skandalit që e zbuloi IRL	https://wp.me/patqqI-3oWW
16 gusht	RMV, u suspendua prokurorja Vilma Ruskovska, dha dorëheqje shefi i Policisë Financiare, Arafat Muaremi	https://wp.me/patqqI-3p4G
20 gusht	Zgjedhje komunale në Tetovë, Qendër Zhupë, Mavrovë dhe Rostushë	https://wp.me/patqqI-3oTU
20 gusht	Lëvizja BESA mori më shumë këshilltarë në Tetovë	https://wp.me/patqqI-3phG
21 gusht	Pas rezultateve të dobëta në zgjedhje, Ziadin Sela dha dorëheqje të parevokueshme nga pozita e kryetarit të Aleancës për Shqiptarët	https://wp.me/patqqI-3piN
25 gusht	Qeveria e Maqedonisë së Veriut shpalli gjendje krize për furnizimin me energji elektrike dhe termike	https://wp.me/patqqI-3pqZ
30 gusht	Shi i rrëmbyeshëm në Shkup, “Serova” tërë natën “zgjuar”	https://wp.me/patqqI-3pAM

Rryma, energji elektrike, institucione, foto: Meta.mk — Kursimi i rrymës në Shkup

SHTATOR

1 shtator	Filloi viti i ri shkollor: Nxënës pa libra, mësues me rroga më të larta, shkolla pa masa kundër kovidit	https://wp.me/patqqI-3pDl
2 shtator	Tetova përmes marshit protestues u solidarizua me Prishtinën kundër dhunës ndaj grave dhe vajzave	https://wp.me/patqqI-3pCN
2 shtator	Samiti i liderëve të Ballkanit të Hapur në Beograd, Kovaçevski: Të bashkuar do t’i përballojmë sfidat e dimrit	https://wp.me/patqqI-3pFA
6 shtator	Apeli i hodhi poshtë ankesat e të akuzuarve në rastin “Monstra” dhe e konfirmoi vendimin e shkallës së parë	https://wp.me/patqqI-3pMA
6 shtator	Nisi gjykimi për zjarrin në Spitalin Modular të Tetovës ku humbën jetën 14 persona	https://wp.me/patqqI-3pM5
8 shtator	Një vjet nga ngjarja tragjike në Spitalin Modular të Tetovës: Opinioni sytë i ka drejtuar nga gjykata	https://wp.me/patqqI-3pPc
8 shtator	Vdiq Mbretëresha e Britanisë Elizabeta II, Maqedonia e Veriut dhe mbarë bota dërguan mesazhe ngushëllimi	https://wp.me/patqqI-3pRD
13 shtator	Kuvendi e refuzoi kërkesën e Hristijan Mickoskit për mbajtje të referendumit kundër Marrëveshjes për Fqinjësi të Mirë me Bullgarinë	https://wp.me/patqqI-3q1l
16 shtator	Seri dorëheqjesh në Qytetin e Shkupit pasi kryetarja Danella Arsovska i prishi relacionet me VMRO-DPMNE-në	https://wp.me/patqqI-3q7G
27 shtator	Angela Aggeler u betua si ambasadore e re e SHBA-së në RMV	https://wp.me/patqqI-3qx8
29 shtator	Emërimi i dy drejtorëve të BDI-së në Qytetin e Shkupit, shkaku i prishjes së Aleancës për Shqiptarët me Danella Arsovskën	https://wp.me/patqqI-3qCU

Seanca gjyqësore për rastin e djegies së Spitalit Modular, foto: Fisnik Xhelili/Portalb.mk

TETOR

4 tetor	U ndërprenë Marrëveshjet e Koncesionit për shtatë hidrocentrale të vogla në Parkun Kombëtar Mali Sharr	https://wp.me/patqqI-3qNw
5 tetor	Qeveria e RMV-së publikoi listë me emrat e shtetasve që luftuan për ISIS-in	https://wp.me/patqqI-3qQE
7 tetor	U hap klubi bullgar “Car Borisi i Tretë” i Bullgarisë në Ohër, protestë me parulla antifashiste	https://wp.me/patqqI-3qSX
12 tetor	KE e publikoi raportin për RMV-në: Lëvdata për sanksionet ndaj Rusisë, por duhet vazhduar lufta kundër korrupsionit	https://wp.me/patqqI-3r1F
14 tetor	Për herë të parë nga pavarësia, Maqedonia e Veriut hoqi dorë nga pjesëmarrja në Eurovision	https://wp.me/patqqI-3r6T
20 tetor	Nuk ka autobusë, Shkupi për herë të parë në histori pa transport publik në mandatin e Danella Arsovskës	https://wp.me/patqqI-3rl5
26 tetor	Kërcënime për vendosje të bombave në 8 shkolla	https://wp.me/patqqI-3rvh
26 tetor	Maqedonia e Veriut e nënshkroi “Marrëveshjen për Fronteks”	https://wp.me/patqqI-3rx4
27 tetor	Bilall Kasami akuzoi organizatën Space Tetova për aktivitete pornografike, aktivistët hodhën poshtë pretendimet	https://wp.me/patqqI-3rxL
30 tetor	U hap klubi kulturor maqedonas “Nikolla Vapcarov” në Bllagoevgrad të Bullgarisë si kundërpërgjigje ndaj klubeve bullgare në RMV	https://wp.me/patqqI-3rDy
31 tetor	Ndaluan së qarkulluari linjat e autobusë privat të “Mak ekspres”, pasi Qyteti i Shkupit nuk ua ka paguar borxhin	https://wp.me/patqqI-3rET

Gjimnazi "Josip Broz Tito" në Shkup, foto: Meta.mk, shkolle, bomba, kercenim — Policia në Gjimnazin “Josip Broz Tito” në Shkup pas alarmit të rrejshëm për vendosje të “bombës”, foto: Meta.mk

NËNTOR

2 nëntor	Kuvendi i RMV-së ndaloi me ligj regjistrimin e fondacioneve, shoqatave dhe partive politike që thirrin në fashizëm	https://wp.me/patqqI-3rJD
3 nëntor	Liderët e Ballkanit Perëndimor në Samitin e Berlinit nënshkruan marrëveshje për njohjen e diplomave dhe letërnjoftimeve	https://wp.me/patqqI-3rLb
7 nëntor	Islam Abazi u zgjodh shef i Prokurorisë për Ndjekjen e Krimit të Organizuar dhe Korrupsionit, reagime të shumta për lidhjen e tij me BDI-në	https://wp.me/patqqI-3rVe
9 nëntor	Përleshje fizike në ndeshjen futbollistike Shkupi – Shkëndija, u arrestuan 3 tifozë	https://wp.me/patqqI-3rZX
11 nëntor	Skandal, Maqedonia e Veriut i ka dhënë nënshtetësi oligarkut pro-rus nga Ukraina Oleksandr Onyshenko i sanksionuar nga SHBA-ja	https://wp.me/patqqI-3s4I
14 nëntor	U mbaj mbledhja e dytë e përbashkët mes qeverive të Maqedonisë së Veriut dhe Shqipërisë: U nënshkruan 21 marrëveshje	https://wp.me/patqqI-3s6B
14 nëntor	Studentët dhe shteti arritën marrëveshje për vaktin e subvencionuar	https://wp.me/patqqI-3saJ
14 nëntor	112 të punësuar në Higjienën Komunale u larguan nga puna, protestë para zyrës së drejtoreshës Kosana Mazneva	https://wp.me/patqqI-3sgs
23 nëntor	Dosje: Një vjet nga aksidenti i autobusit në Bullgari, gjithçka që ndodhi në tragjedinë ku humbën jetën 45 persona	https://wp.me/patqqI-3snk
25 nëntor	Shkrimtari Ismail Kadare u shpall qytetar nderi i Tetovës	https://wp.me/patqqI-3stj
28 nëntor	Autobusët e kompanive private filluan me bllokada, komunikacioni në Shkup u paralizua, qytetarët paguajnë çmimin e mosmarrëveshjeve të Danella Arsovskës me kompanitë private	https://wp.me/patqqI-3sxi
30 nëntor	Vrasja e hendbollistit Denis Tot, Gjykata Penale shpalli vendimin: 52 vjet burg për tre të akuzuarit	https://wp.me/patqqI-3sBa

Bllokada e autobus transportuesve privat, foto: Portalb.mk — Bllokada e transportuesve privat, foto: Portalb.mk

DHJETOR

2 dhjetor	Skandal me certifikatat për juristët e UEJL, institucionet verifikojnë nëse dhe universitetet tjera kanë lëshuar të tilla	https://wp.me/patqqI-3sFS
3 dhjetor	Mlladen Çadikovski u rizgjodh në pozitën e kryetarit të Shoqatës së Gazetarëve të Maqedonisë	https://wp.me/patqqI-3sHQ
6 dhjetor	Ambasadorja amerikane njoftoi se një ekip amerikan do të hetojë funksionarët e korruptuar në Maqedoni	https://wp.me/patqqI-3sNg
6 dhjetor	Rasti “Durmo Turs” për aksidentin e autobusit në Llaskarcë është “bllokuar” në Gjykatë tanimë tre vjet	https://wp.me/patqqI-3sMV
6 dhjetor	Në Tiranë u mbajt Samiti për Ballkanin Perëndimor – Bashkimin Evropian u nënshkrua marrëveshja për roaming më të lirë	https://wp.me/patqqI-3sKm
6-7 dhjetor	Fondacioni Metamorfozis e mbajti konferenca e 18-të ndërkombëtare “e-Shoqëri.mk”	https://wp.me/patqqI-3sO9
9 dhjetor	Përveç shkollave, alarme për bomba edhe në institucione dhe qendra tregtare	https://wp.me/patqqI-3sTy
14 dhjetor	Qeveria emëroi Zarko Milloshevskin drejtor të ri të Agjencisë për Siguri Kombëtare	https://wp.me/patqqI-3t5V
16 dhjetor	Gjykata e Apelit e shpëtoi Mijallkovin nga 12 vjet burg, reagime te ashpra nga qytetarët dhe kreu shtetëror	https://wp.me/patqqI-3taX
21 dhjetor	Rasti Perandoria, prej 19 të hetuarve, Prokuroria ngriti akuzë vetëm kundër tre personave	https://wp.me/patqqI-3tmr
23 dhjetor	Hajrullahi u rizgjodh njëzëri shef i Prokurorisë së Lartë të Shkupit, Shterjev i Këshillit të Prokurorëve akuzoi gazetarët për sensacion	https://wp.me/patqqI-3tlB
23 dhjetor	Kuvendi i Maqedonisë së Veriut e miratoi Buxhetin prej afër 5.3 miliardë euro për vitin 2023	https://wp.me/patqqI-3trE
25 dhjetor	Shkupi në top treshin e qyteteve më të ndotura në botë	https://wp.me/patqqI-3tt7
26 dhjetor	Aksion policor në Pikën Kufitare “Tabanoc”, janë arrestuar 12 policë, të cilëve u janë gjetur 20.000 euro	https://wp.me/patqqI-3twz
28 dhjetor	Komisioni për Antidiskriminim e konfirmoi hulumtimin e Portalb: Komuna e Karposhit diskriminon personat me pengesa	https://wp.me/patqqI-3tzz