Do të tërhiqem nga Twitteri sapo të gjej dikë aq budalla sa të më zëvendësojë, tha Musk

Elon Musk ka thënë se do të japë dorëheqjen si drejtor ekzekutiv i Twitterit kur të gjejë dikë mjaft budalla për ta zëvendësuar atë. Ai paraprakisht premtoi të respektojë rezultatet e një sondazhi në të cilin 57% e përdoruesve të Twitterit votuan për largimin e tij nga posti drejtues, transmeton Portalb.mk.

Ai tha se do të vazhdojë të udhëheqë ekipet e softuerit dhe serverëve pasi të gjendet zëvendësuesi i tij.

I will resign as CEO as soon as I find someone foolish enough to take the job! After that, I will just run the software & servers teams.

— Elon Musk (@elonmusk) December 21, 2022

Musk përfundoi një marrëveshje prej 44 miliardë dollarësh për të blerë Twitter në tetor dhe është kritikuar për ndryshimet që ka prezantuar në platformë që atëherë. Ai pushoi gjysmën e stafit të tij dhe futi pagesën për verifikimin e profilit.

Është hera e parë që Musk flet që nga fillimi i një sondazhi të dielën, ku u kërkon 122 milionë ndjekësve të tij të thonë nëse ai duhet të largohet nga posti i drejtorit ekzekutiv.

“Askush nuk e dëshiron punën që mund ta mbajë Twitter gjallë”, shkroi Musk pas anketës.