Sllaveski: Menaxhimi i keq i drejtorit të NQP “Shkupi” është shkaktar i gjendjes me transportuesit privat
Kryesuesi i Këshillit të Qytetit të Shkupit nga VMRO – DPMNE, Trajko Sllavevski thotë se, nuk kanë marrë asnjë informatë nga ana e kryetares Danela Arsovska për atë se çfarë po ndodh në NQP, i cili është ndërmjetësues në realizimin e transportit publik dhe i cili duhet t’ua paguaj shërbimet transportuesve privat, transmeton Portalb.mk.
Ai theksoi se, këshilltarët nuk kanë pasur as informata për tre pagat e papaguara në NQP as për grevën e paralajmëruar të të punësuarve, duke shtuar se, atëherë janë ndarë 133 milionë denarë nga buxheti i qytetit dhe, siç tha ai, ishte zgjidhje e detyrueshme me dhënien e obligimeve ndaj kryetares së Qytetit të Shkupit, me qëllim që të zgjidhet situata.
“Nuk kemi pasur asnjë informatë disa ditë para grevës së paralajmëruar të NQP-së dhe kemi qenë të detyruar të mbajmë dy seanca të jashtëzakonshme dhe të miratojmë një lloj zgjidhje të detyrueshme me dhënien e obligimeve për kryetaren të gjejë 133 milionë denarë të cilat i votuan këshilltarët”, tha ai në emisionin Analiza në TV 24.
Kujtojmë se, Qyteti i Shkupit e shfuqizoi marrëveshjen me “Makekspres” e cila kishte vlefshmëri deri në fund të vitit 2023, pasi që sipas tyre, autobusët e linjave 19, 20, 22, 52 dh 54 nuk i kanë respektuar kushtet e përcaktuara për dhënien e shërbimeve cilësore. NQP thotë se do t’i zëvendësojë me autobusë dhe shoferë të saj këto linja, transportuesit privat po mbajnë mbledhje pas situatës së krijuar.
Pas 9 ditësh bojkotim të punës dhe akuzave mes “Makekspresit” dhe Ndërmarrjes Publike për Qarkullim Publik (NQP), me nënshkrim të kryetares së Shkupit Danella Arsovska iu dha fund bashkëpunimit me këtë kompani private, të cilës Qyteti i ka borxh gjysmë milioni euro.
Tashmë disa ditë, edhe kompania “Slloboda prevoz” është në grevë për shkak të borxhit të papaguar të NQP-së ndaj transportuesve privat.
Rreth 1 milionë euro ka borxhe Ndërmarrja për Qarkullim Publik “Shkupi” ndaj transportuesve privat, që ka nxitur që kompania private të ndalojë linjat e qarkullimit 9, 12, 22, 23 dhe 45.
NQP Shkup sot është transportuesi i vetëm i këtyre linjave.
Nga “Slloboda prevoz” deklarojnë që udhëheqësit e qytetit kanë informuar se nuk kanë para për pagesën e borxhit. Lenin Jovanovski nga “Slloboda Prevoz” paralajmëroi që do të ketë protesta, bllokada dhe grevë, ndërkohë Milorad Dimitrievski nga “Makekspres” sqaroi që akoma nuk kanë vendosur, por protestat janë të pashmangshme së bashku me “Slloboda prevoz”.
- LEXO: Shkup, vazhdojnë të mbeten jo-funksionale linjat 9, 12, 22, 23 dhe 45
- LEXO: Nuk ka marrëveshje ndërmjet kompanive private dhe Qytetit të Shkupit, privatët kërcënojnë me bllokada
- LEXO: Shkup, të hënën dhjetë linja të transportuesve privat në grevë
- LEXO: Qyteti i Shkupit mund t’ua “shkurtojë mjetet” transportuesve privat, autobusët 19, 20, 22, 52 dhe 54 edhe sot në garazhe
- LEXO: Nga mëngjesi në Shkup nuk qarkullojnë autobusët privatë 19, 20, 22, 52 dhe 54, Qyteti u ka borxh gjysmë milioni euro
- LEXO: Sot nuk ka autobusë, Shkupi për herë të parë në histori pa transport publik në mandatin e Arsovskës
- LEXO: Ndalimi i qarkullimit të linjave të autobusit 19 dhe 20, LSDM akuzon Arsovskën për paaftësi
- LEXO: Pronarët e autobusëve privat arritën marrëveshje me Qytetin e Shkupit, prej nesër normalizohen linjat 19 dhe 20