FMN-ja miratoi kredi prej 530 milionë euro për Maqedoninë e Veriut
Fondi Monetar Ndërkombëtar (FMN) njoftoi se ka miratuar një kredi prej 530 milionë euro për Maqedoninë për ta ndihmuar atë të përballet me pasojat e pandemisë kovid-19 dhe efektet e luftës në Ukrainë, transmeton Portalb.mk.
Sipas marrëveshjes dyvjeçare, FMN do të transferojë menjëherë 110 milionë euro, të cilat do të pasohen me pagesa të shumëfishta, me kusht që Shkupi të respektojë kushtet e marrëveshjes.
“Maqedonia e Veriut u godit nga dy goditje të njëpasnjëshme globale. Ndërsa shërohej nga pandemia, situata u përkeqësua përsëri pas pushtimit rus të Ukrainës dhe një rritje të mprehtë të çmimeve globale të mallrave”, njoftoi FMN në një deklaratë.
Shefi i FMN-së Bo Lee vlerësoi “kuadrin e shëndoshë të politikave” të vendit përpara pandemisë, duke thënë se ajo kishte nxitur një rritje solide dhe me bazë të gjerë, me borxh publik dhe të jashtëm të moderuar.
“Sidoqoftë, situata makroekonomike është përkeqësuar ndjeshëm për shkak të pandemisë dhe rritjes së çmimeve të mallrave,” tha Lee.
