Trump sonte do të shpallë kandidaturën e tretë për president pasi humbi kontrollin e partisë
Donald Trump po përgatitet të nisë fushatën e tij të tretë për Shtëpinë e bardhë, pas humbjeve zhgënjyese në zgjedhjet e Kongresit dhe shenjave të qarta se kontrolli i tij në Partinë Republikane po zbehet, transmeton Portalb.mk.
Trump kishte shpresuar se rezultatet e forta të zgjedhjeve të javës së kaluar do të ishin një trampolinë për emërimin e tij, por në vend të kësaj ai e gjeti veten të kryqëzuar për miratimin e një sërë kandidatësh që kanë humbur, duke përfshirë disa që mohojnë fitoren e Joe Bidenit para dy vitesh.
“Shpresoj që e nesërmja të jetë një nga ditët më të rëndësishme në historinë e vendit tonë”, shkroi Trump dje në rrjetet sociale.
Ai pritet të shpallë kandidaturën e tij sonte në orën tre me orën e Maqedonisë nga klubi i tij në Palm Beach.
Një tjetër kandidaturë do të ishte kthesë e jashtëzakonshme për çdo ish-president, por veçanërisht për Trumpin, i cili është fajësuar dy herë dhe mandati i të cilit përfundoi me sulmet e mbështetësve të tij në Kongres. Vetëm një president amerikan ka shërbyer ndonjëherë dy mandate radhazi: Grover Cleveland, i cili u zgjodh në 1884 dhe 1892. Trump gjithashtu përballet me një sërë hetimesh penale.
Trump është këshilluar nga aleatët dhe bashkëpunëtorët e tij që të shtyjë shpalljen e kandidaturës deri në përfundimin e zgjedhjeve të Kongresit, gjë që do të ndodhë vetëm më 6 dhjetor me rivotimin në Xhorxhia. Në të njëjtën kohë, ai përballet me konkurrencë të ashpër brenda partisë së tij, me shumë njerëz që kërkojnë që guvernatori i rizgjedhur i Floridës Ron DeSantis të kandidojë.
