RMV, reparti i ri i hematologjisë do të përdoret nga qershori, numri i transplanteve do të rritet
Klinika e hematologjisë do të fillojë me përdorimin e katit të ri në qershor të vitit 2023 dhe çdo vit do të ndihmohen 100 pacientë nga Maqedonia dhe 20 nga jashtë, ndryshe nga më parë kur mund të bëheshin 50-60 transplante në vit, transmeton Portalb.mk.
Kati i ri, i cili filloi të ndërtohet një vit më parë, po ndërtohet për 1 milion dollarë, para nga programi i asistencës së Komandës Evropiane të Ushtrisë së ShBA-së, të siguruara përmes Ambasadës së SHBA në vend.
“Në repartin e ri do të trajtohen çdo vit të paktën 50 deri në 60 pacientë nga vendi ynë dhe 10 deri në 15 nga vendet fqinje, gjë që deri më tani nuk mund ta pranonim për shkak të mungesës së hapësirës. Bëhet fjalë për pacientë me sëmundje hematologjike malinje, një nga grupet më vulnerabël të pacientëve. Klinika e hematologjisë është tashmë në hartën e qendrave mjekësore botërore dhe evropiane për trajtimin e sëmundjeve më të rënda të gjakut. Me këtë donacion Hematologjia mori vlerë të shtuar nga pikëpamja teknike, hapësirë dhe pajisje që do të përmirësojnë më tej shërbimin mjekësor për pacientët”, thotë drejtoresha.
Sipas saj, kapaciteti i ri, së bashku me metodat më të avancuara të trajtimit dhe kujdesit mjekësor, ofrojnë mundësi që klinika t’i shërbejë jo vetëm sistemit shëndetësor publik të Maqedonisë, por në të njëjtën kohë ta themelojë atë në në krye të qendrave më të rëndësishme për trajtimin e sëmundjeve hematologjike në rajonin e gjerë.
“Ndihma financiare është mirënjohje e SHBA-së për potencialin që sjell ekipi menaxhues dhe mjekësor i ISHP Klinikës për Hematologji Shkup”, shtoi drejtoresha.
Projekti i drejtuar nga drejtori i Klinikës ishte në konkurrencë serioze nga 38 aplikime ndërkombëtare të projekteve kërkimore-shkencore në fushën e Covid-19.
