Merko zhvendosi administratën komunale në ndërtesë të re, e gjithë BDI-ja në ceremoni
“Kushte më të mira për administratën lokale dhe hapësirë për shërbime më të mëdha dhe më të mira për qytetarët e Komunës së Strugës”, kështu paralajmëroi sot kryetari Ramiz Merko në hapjen ceremoniale të objektit të ri komunal, ku mori pjesë e gjithë kryesia e partisë së BDI-së si dhe politikanë dhe ministra të tjerë nga Qeveria, shkruan SDK.
“Struga çdo ditë e më shumë po zhvillohet. Kemi edhe zgjidhje të tjera, kemi objekte shtetërore që janë lënë në mëshirë të të tjerëve dhe kërkojmë që ato t’i dorëzohen Komunës dhe t’i rinovojmë për të mirën e institucioneve shtetërore”, tha Merko.
Në objektin e vjetër komunal, siç tha Merko, do të strehohen Prokuroria Publike, Inspektorati i Tregut, njësia rajonale e Ministrisë së Drejtësisë dhe institucione të tjera vendore dhe qendrore.
