U nënshkrua marrëveshja e parë RMV-Jordani: Do të rritet shkëmbimi i produkteve ushqimore
Memorandum Mirëkuptimi ndërmjet Qeverisë së Republikës së Maqedonisë së Veriut dhe Qeverisë të Mbretërisë Hashemite të Jordanisë për Bashkëpunim në Fushën e Bujqësisë, u nënshkrua sot nga ministri i Punëve të Jashtme, Bujar Osmani, në kuadër të vizitës së tij në Jordani me Ministrin e Bujqësisë, Khalid Al Hanifat. Kjo është marrëveshja e parë ndërkombëtare ndërmjet Qeverive të dy vendeve, transmeton Portalb.mk.
“Me nënshkrimin e këtij dokumenti, po krijojmë bazë për intensifikimin e shkëmbimit të produkteve ushqimore dhe bujqësore, veçanërisht në drejtim të rritjes së eksportit të frutave, perimeve dhe mishit të qengjit nga Maqedonia e Veriut në Jordani dhe rritjes së importit të vajit të ullirit dhe hurmave nga Jordania në Maqedoninë e Veriut. Kjo është veçanërisht e rëndësishme për të dyja vendet, duke marrur parasysh sfidat aktuale me sigurinë ushqimore në këtë rajon dhe nevojën për të diversifikuar furnizimin me produkte ushqimore. Nga ana tjetër, ne kemi potencial për të cilin kemi nevojë për tregje të reja dhe nuk kam dyshim se ky do të jetë një hap tjetër drejt thellimit të marrëdhënieve dypalëshe për të mirën e qytetarëve të të dy vendeve”, theksoi Osmani.
Të dy bashkëbiseduesit theksuan se është veçanërisht i rëndësishëm shkëmbimi i përvojave në fushën e politikave bujqësore, zbatimi i masave specifike për përmirësimi i prodhimit bujqësor, siguria ushqimore dhe menaxhimi i ujit, për çka u zotuan për realizimin e projekteve me interes për të dyja palët.
Gjatë vizitës së tij në Jordani, ministri Osmani ka realizuar takime me zëvendëskryeministrin dhe Ministrin e Punëve të Jashtme dhe Emigracionit të Jordanisë, Ajman Safadi, në kornza të së cilit do u nënshkrua Protokoll për bashkëpunim ndërmjet dy ministrive të punëve të jashtme.
