Qeveria bullgare dëshiron të legalizojë ndërtimet në autostradat ilegale
Qeveria e përkohshme bullgare ka propozuar një ndryshim në ligj që do të legalizonte në mënyrë efektive ndërtimet pa leje në autostradën Hemus, e cila shtrihet në pjesën veriore të vendit dhe është në ndërtim prej 45 vitesh, transmeton Euractiv.
Me këtë amendament, një pjesë e autostradës e ndërtuar gjatë qeverisjes së GERB-it të ish-kryeministrit Bojko Borisov do të parandalohej të shkatërrohej. Kjo edhe pse ndërtimi i tre nga gjashtë pjesët është kryer pa lejet e nevojshme dhe u ishin ndarë miliarda euro nën qeverinë e Borisovit.
Qeveria e përkohshme kërkon t’i zbatojë këto ndryshime edhe në projekte të tjera të mëdha infrastrukturore që po ndërtohen pa dokumentet e nevojshme.
“Sigurisht, ka ende mjaft objekte infrastrukturore që shteti i ka lejuar komisionit për ndërtim pa leje ndërtimi,” komentoi të enjten ministri rajonal Ivan Shishkov.
Ndryshimet vijnë pasi qeveria paraprake e e kryeministrit Kiril Petkov – e cila erdhi në pushtet pas Borisovit – kreu një hetim policor, i cili tregoi se qindra milionë euro të derdhura për ndërtimin e autostradës Hemus ishin derdhur në hotele luksoze ose ishin paguar si dividentë në llogaritë personale në Dubai.
