Berlini e cilësoi si “të turpshme” videon e ministrisë ruse për Paktin Hitler-Stalin
Qeveria gjermane ka kritikuar Ministrinë e Jashtme të Rusisë për një video të postuar në mediat sociale që “shënon” 83-vjetorin e Paktit Molotov-Ribbentrop midis Gjermanisë naziste dhe Bashkimit Sovjetik, transmeton Euractiv.
“Unë do ta klasifikoja këtë (qëndrim) si të turpshëm,” u tha gazetarëve në Berlin të mërkurën zëdhënësi i qeverisë Steffen Hebestreit.
Të martën, llogaria në gjuhën angleze në Twitter e Ministrisë së Punëve të Jashtme të Rusisë postoi atë që e quajti një “video informative” për të “shënuar 83 vjetorin” e nënshkrimit të paktit të mos-agresionit midis Gjermanisë naziste dhe Bashkimit Sovjetik.
Pakti Molotov-Ribbentrop, i njohur jozyrtarisht si pakti Hitler-Stalin, u nënshkrua në vitin 1939 dhe përcaktoi mosndërhyrje reciproke, por u ndërpre në qershor 1941, kur Gjermania pushtoi Bashkimin Sovjetik.
Megjithatë, videoja e ministrisë ruse lë jashtë informacionin kryesor mbi paktin dhe kontekstin e tij.
Për shembull, shpërfill faktin që pakti përfshinte protokolle sekrete që përcaktonin se si Gjermania naziste dhe Bashkimi Sovjetik synonin të ndanin Poloninë dhe Balltikun midis tyre në “sfera interesi”, duke i hapur rrugën pushtimit të Polonisë nga Hitleri dhe Stalini vetëm disa javë më vonë – dhe fillimi i Luftës së Dytë Botërore.
“Në mënyrë shtesë, do të doja të hedh poshtë çdo krahasim apo paralele të supozuar këtu”, shtoi Hebestreit.
Hebestreit tha se “nuk ishte i befasuar” me sjelljen e ministrisë ruse.
