fbpx

Maqedoni, rreziqet e korrupsionit dhe konfliktit të interesave në prokurimet për kovid-19 mbeten të larta

Rreziqet e larta të korrupsionit dhe konfliktit të interesit janë të larta në prokurimet publike lidhur me kovid-19 në gjysmën e dytë të vitit 2021, tregon monitorimi i thelluar i Qendrës për Komunikime Qytetare, e cila sot publikoi Raportin për prokurimet publike për mbrojtje nga kovid-19, transmeton Portalb.mk.

Monitorimi konstatoi se prokurimet publike lidhur me kovid-19 në gjysmën e dytë të vitit 2021, përkatësisht edhe pas më shumë se një viti nga fillimi i krizës, janë të mbushura me probleme dhe rreziqe nga korrupsioni dhe se vlerat e vlerësuara të prokurimeve edhe më tej janë shumë më të larta se çmimet e marra në tenderë.

Si problem theksohet edhe fakti se kur ka një ofertues ose mbetet një ofertues pas eliminimit të ofertave të tjera në fazën e vlerësimit, pothuajse pa përjashtim çmimi i ofruar përputhet ose është shumë afër vlerës së parashikuar të prokurimit edhe pse nuk është shpallur publikisht, gjë që tregon për marrëveshje të paligjshme paraprake ndërmjet institucioneve prokuruese dhe firmave ofertuese.

“Edhe më tej ka diferenca të mëdha në çmime për të njëjtat produkte, të blera në të njëjtën periudhë kohore, që shkojnë deri në 500 për qind, gjatë prokurimit të reagensëve, ekziston varësi afatgjatë nga kompania, aparatura e testimit të së cilës përdoret nga institucioni që përmban rrezikun e pagesës së çmimeve të larta për reagentët dhe mundësinë e korrupsionit, si dhe ka dokumentacion të dobët të procedurave tashmë jotransparente me negocim pa shpallje publike, angazhimin e personave të huaj dhe kompanive për realizimin e prokurimeve publike. rreziqe të larta të konfliktit të interesave dhe korrupsionit”, tregon raporti i qendrës për komunikime qytetare.

Sipas hulumtimit, si prokurime publike për kovid-19, blihen produkte që nuk mund të lidhen me pandeminë. Shembull i tillë është një automjet zyrtar pasagjerësh me timon lëkure, gjashtë altoparlantë dhe ngjyrë metalike.

“Ky raport është përgatitur në bazë të monitorimit të thelluar të 40 procedurave për prokurim publik të mallrave, shërbimeve dhe punimeve për mbrojtjen nga kovid-19, kontratat e të cilave janë lidhur në gjysmën e dytë të vitit 2021, pra nga 1 korriku deri më 31 dhjetor 2021. Procedurat e përfshira përfaqësojnë 52 për qind të të gjithë tenderëve për kovid-19 gjatë periudhës së monitorimit (gjithsej 77 tendera). Vlera e tenderëve të monitoruar është 1.25 milionë euro, që është 30.4 për qind e vlerës së të gjithë tenderëve për kovid në periudhën e analizuar (4.1 milionë euro)”, thuhet në raport.

Lajme të ngjashme

Leave a Reply

Your email address will not be published. Required fields are marked *

Back to top button