fbpx

Këshilli i Sigurimit të OKB-së nesër diskuton për sulmet izraelite në Gaza

Këshilli i Sigurimit të Kombeve të Bashkuara (KS-OKB) do të mblidhet të hënën, më 8 gusht, me kërkesë të Palestinës, për të diskutuar për sulmet izraelite në Rripin e Gazës, transmeton Anadolu Agency (AA).

Sipas agjencisë palestineze të lajmeve WAFA, përfaqësuesi i përhershëm i Palestinës në OKB, Riyad Mansour, tha se ata kontaktuan anëtarët e KS të OKB-së për t’iu përgjigjur pozitivisht kërkesës së Palestinës për të “ndaluar dhe dënuar sulmet izraelite dhe për të ofruar mbrojtje ndërkombëtare për palestinezët”.

Ai vuri në dukje se kërkesa u dërgua përmes Emirateve të Bashkuara Arabe (EBA), anëtare e përkohshme e KS të OKB-së.

Mansour tha se u vendos që të hënën pasdite të mbahet një seancë e mbyllur e Këshillit të Sigurimit të OKB-së për të diskutuar për sulmet izraelite në Rripin e Gazës.

Më 5 gusht, ushtria izraelite nisi sulmet në Rripin e bllokuar të Gazës, duke pretenduar se synonte objektivat e lëvizjes së Xhihadit Islamik.

Ministria palestineze e Shëndetësisë njoftoi se 32 persona, përfshirë gjashtë fëmijë dhe dy gra, u vranë dhe mbi 250 u plagosën në sulmet izraelite në Gaza.

Lajme të ngjashme

Leave a Reply

Your email address will not be published. Required fields are marked *

Back to top button