fbpx

Senati amerikan e konfirmoi ambasadoren e re të SHBA-së në Maqedoni, ajo paralajmëroi luftë me korrupsionin në vend

Angela Price Aggeler, diplomate karriere, është konfirmuar nga Senati amerikan për ambasadore të re në Shkup, Maqedonia e Veriut, njoftoi shërbimi për media i senatit në Twitter. Ajo në maj të këtij viti u propozua nga presidenti amerikan Joe Biden, njofton Portalb.mk.

Deri më tani ajo ishte u.d ambasador dhe zëvendës ambasadore në Islamabad, Pakistan. Më parë ka mbajtur poste të ndryshme në Departamentin e Shtetit dhe në ambasadat në Paris, HanoiNju Delhi dhe Budapest, si dhe në ambasadën në Shkup, përgjegjëse për marrëdhënie me publikun.

Mandati i saj ishte në kohën e ambasadorëve Philip Reeker dhe Paul Wohlers, periudhë kur Maqedonia vërejti një rënie të vazhdueshme në liritë e mediave dhe proceset demokratike. Ajo ndërmori një sërë veprimesh kundër proceseve negative të shkaktuara nga mbyllja e TV A1 dhe ndryshimi i pronësisë së MPM nga gjermanisht në maqedonas, si dhe pasiguria në mjedisin gazetaresk të nxitur nga aksidenti automobilistik në të cilin themeluesi i “Fokus” Nikolla Mlladenov vdiq. Si diplomate amerikane në Shkup, Ageler ishte e zëshme në mbrojtjen e lirisë së medias, si dhe në mbrojtjen e të drejtave dhe lirive civile që më pas u mbytën nga qeveria e Nikola Gruevskit.

Ajo është diplomuar në Universitetin e Jutës, ndërsa përveç anglishtes, flet frëngjisht, maqedonisht dhe hindu.

Price Ageler, pas konfirmimit të nominimit të saj në Senat, do të zëvendësojë Kate Marie Burns, e cila u emërua ambasadore në Shkup në maj 2019.

Anxhela Prajs Ageler, ka premtuar që do të kontribuojë në luftimin e korrupsionit në Shkup.

Lajme të ngjashme

Leave a Reply

Your email address will not be published. Required fields are marked *

Back to top button