Janë lëshuar në procedurë kuvendore ratifikimet e protokolleve për anëtarësim të Suedisë dhe Finlandës në NATO
Qeveria i lëshoi në procedurë kuvendore Propozim-ligjet e veçanta për ratifikim të Protokollit drejt Marrëveshjes Veriatlantike lidhur me inkuadrimin e Mbretërisë së Suedisë dhe Republikës së Finlandës, me qëllim që të krijohen parakushte formale juridike, pas hyrjes në fuqi të Protokolleve, të dy vendet që të mund të inkuadrohen drejt NATO-s, njofton Portalb.
Kryetari i Qeverisë Dimitar Kovaçevski dhe anëtarët e Qeverisë publikisht e mbështetën iniciatën e Suedisë dhe Finlandës për anëtarësim në NATO dhe që në maj është dhënë pajtueshmëri për pranim të së dy vendeve në NATO.
“Protokollet drejt Marrëveshjes Veriatlantike lidhur me inkuadrimin e Mbretërisë së Suedisë dhe Republikës së Finlandës janë nënshkruar në Bruksel më 5 korrik 2022 nga përfaqësues të autorizuar të shteteve-anëtare të NATO-s”, thuhet në kumtesën nga pres-shërbimi qeveritar.
Republika e Maqedonisë së Veriut, thuhet në kumtesë, dha mbështetje të plotë për politikën e dyerve të hapura të NATO-s, duke e mbështetur zgjerimin e mëtejmë, si dhe anëtarësimin e Mbretërisë së Suedisë dhe Republikës së Finlandës në Aleancën Veriatlantike duke e vlerësuar si hap të rëndësishëm dhe kontribut për përforcim të sigurisë dhe stabilitetit në Evropë, duke e pasur parasysh sulmin e paarsyeshëm ushtarak ndaj Ukrainës nga ana e Federatës Ruse.
“Suedia dhe Finlanda kanë zhvilluar nivel shumë të lartë të bashkëpunimit me NATO-n dhe anëtarësimi i tyre do ta përforcojë forcën politike të Aleancës, ndërsa me pranimin e tyre Aleanca demonstron unitet”, shtojnë nga Qeveria.
Finlanda dhe Suedia zyrtarisht aplikuanqë të anëtarësohen në Aleancën e NATO-s më 18 maj të këtij viti. Përfaqësuesit e dy shteteve kanë dorëzuar aplikimet në selinë e aleancës në Bruksel. Procesi i pranimit pritet të zgjasë dy javë, ndërkaq ratifikimi në parlamentet e 30 shteteve anëtare deri në një vit, kanë thënë diplomatët.
- LEXO: Vendet e NATO-s nënshkruajnë protokollet e anëtarësimit për Suedinë dhe Finlandën
- LEXO: Putin: Rusia do të përgjigjet nëse NATO na kërcënon nga Suedia dhe Finlanda
- LEXO: Turqia heq veton dhe i hap rrugën anëtarësimit të Finlandës dhe Suedisë në NATO
- LEXO: Veniten shpresat për anëtarësim të shpejtë të Suedisë dhe Finlandës në NATO
- LEXO: Kovaçevski – Marin: Mbështetja e fuqishme e ndërsjellë me Finlandën përforcon bashkëpunimin dhe të ardhmen evropiane
- LEXO: Motivet e paqarta të Turqisë për të bllokuar anëtarësimet në NATO
- LEXO: Udhëheqësia shtetërore e Maqedonisë dha pëlqimin për anëtarësimin e Finlandës dhe Suedisë në NATO
- LEXO: “JO” Suedisë dhe Finlandës në NATO; janë njoftuar vendet aleate, sqaroi Erdogan
- LEXO: Biden: SHBA mbështet fuqishëm anëtarësimin e Finlandës dhe Suedisë në NATO
- LEXO: Finlanda dhe Suedia aplikuan zyrtarisht për anëtarësim në NATO
