Do të ndryshojnë çmimet e derivateve pas mesnate
Komisioni Rregullator i Energjetikës (KRrE) miratoi vendimin me të cilin bëhet ulja e çmimeve të shitjes me pakicë të derivateve të naftës. Pas mesnate çmimi i benzinës Eurosuper BS 98 ulet për 0.5 denarë për liter ndësa dizeli për 1 denarë, transmton Portalb.mk.
Sipas KRrE çmimi i shitjes me pakicë i vajit ekstra të lehtë për amvisëri (ЕL-1) ulet për 1,50 den/l. Ndërsa çmimi i shitjes me pakicë i Мazutit М-1 SU ulet për 0,661 den/kg dhe tani do të jetë 50,903 den/kg.
Çmimi i shitjes me pakicë i benzinës EUROSUPER BS-95 nuk ndryshon.
Pas mesnate kështu do të jenë çmimet e derivative:
- Benzinë motori EUROSUPER BS – 95 105,50 (denarë/litër)
- Benzinë motori EUROSUPER BS – 98 107,50 (denarë/litër)
- Naftë motori EURODIZEL BS (D-E V) 100,00 (denarë/litër)
- Vaj për Djegie Ekstra i Lehtë 1 (EL-1) 98,00 (denarë/litër)
- Mazut М-1 SU 50,903 (denarë/kilogram)
Sipas KRrE-së kursi i denarit në raport me dollarin në periudhën e kaluar, sipas të cilit janë formuar çmimet në përllogaritjen e mëparshme, është më i lartë për 1,032%.
