Di Maria megjithatë pranoi të shkojë te ekipi italian
Angel Di Maria është pajtuar që të transferohet te Juventusi duke nënshkruar një kontratë njëvjeçare, transmeton KlanKosova.
34-vjeçari ka qenë agjent i lirë që kur përfundoi kontrata e tij me Paris Saint-Germainin para disa javësh.
Argjentinasi është spekuluar për një kalim te Zonja e Vjetër tash e sa kohë, mirëpo tani më në fund ka diçka konkrete.
Di Maria po planifikon të qëndrojë edhe pak në Evropë, dhe më pas të kthehet për ta përfunduar karrierën e tij në vendlindje.
