Të mbahet Konferenca e Parë Ndërqeveritare me Shqipërinë dhe Maqedoninë e Veriut, kërkoi Varhelyi
Komisioneri për Zgjerimin, Oliver Varhelyi shprehet se Bashkimi Evropian duhet të vendosë për të mbajtur Konferencën e Parë Ndërqeveritare me Maqedoninë e Veriut dhe Shqipërinë, raportoi EN.
“Mirëpresim vendimin ndërpartiak të parlamentit bullgar që jep mandat të qartë për miratimin e propozimit francez. Tani na duhet vendimi i BE-së për të mbajtur Konferencën e Parë Ndërqeveritare me Maqedoninë e Veriut dhe Shqipërinë. Evropa ec përpara”, shkruan Varhelyi në një postim në Twitter.
Këtë të premte, Bullgaria miratoi rezolutën në të cilën mbështet propozimin e presidentit francez, Emmanuel Macron për zgjidhjen e ngërçit me Maqedoninë e Veriut.
Në seancën e Kuvendit, rezoluta u miratua me 170 pro, teksa 37 deputetë votuan kundër dhe 21 abstenuan.
Propozimi francez përmban disa pika të cilat janë: pakica bullgare duhet të përfshihet në kushtetutën maqedonase, asgjë në procesin qasës të mos interpretohet si pranim i gjuhës maqedonase nga Bullgaria, fqinjësia e mirë të mbetet kriter deri në fund dhe të shqyrtohet zbatimi i marrëveshjes për fqinjësi të mirë.
- LEXO: Sofja miratoi propozimin francez, Shkupi e refuzoi
- LEXO: Parlamenti bullgar miratoi heqjen e vetos, pritet që kryeministri Petkov të marrë vendimin qeveritar
- LEXO: Osmani pret nga Franca të japë propozim përfundimtar, tre çështje janë kyçe nëse Qeveria do t’i pranojë
- LEXO: Vetoja bullgare, Maqedonia e Veriut e refuzoi propozimin francez në formën ekzistuese
- LEXO: Liderët nga “Open Ballkan” të zhgënjyer me Bashkimin Evropian