QSHP Tetovë: Uji mineral i Banjës së Tetovës tani është i pastër dhe mund të pihet
Nga Qendra për Shëndet Publik Tetovë bëjnë të ditur se uji në lokalitetin e Banjës së Tetovës tani është mikrobiologjikisht dhe kimikisht i pastër dhe mund të pihet, transmeton Portalb.mk.
Nga Qendra rekomandojnë për qytetarët që të pinë një deri në dy gota në ditë nga ky ujë mineral.
Kujtojmë që me 9 qershor Instituti i Shëndetit Publik Tetovë kreu analizë të ujit mineral të banjës së Tetovës dhe i njëjti rezultoi me prani të baktereve Esheria koli dhe Enterokoki, nga ku u apelua që i njëjti mos të shfrytëzohet për pije.
