SHGM dhe SPGPM kërkojnë njësi speciale në Prokurorinë Publike për mbrojtjen e gazetarëve
Kryetari i Shoqatës së Gazetarëve të Maqedonisë – SHGM së bashku me kryetarin e Sindikatës së Pavarur të Gazetarëve dhe Punëtorëve Mediatikë (SPGPM) Pavle Bellovski sot u takuan me shefin e Prokurorisë Publike të Shkupit, Gavrill Bubevski, transmeton Portalb.mk.
Në takim, Çadikovski theksoi se themelimi i një departamenti të ri në kuadër të Prokurorisë Publike, i cili do të jetë i ngarkuar vetëm për trajtimin e rasteve që kanë të bëjnë me shkeljen e të drejtave të gazetarëve dhe mediave. sigurinë e punëtorëve, si dhe gjuhën e qartë të urrejtjes kundër tyre, është jashtëzakonisht i rëndësishëm për avancimin e bashkëpunimit dhe komunikimit të përbashkët.
Bellovski theksoi se ndonëse siguria e gazetarëve dhe e mediave në vend është përmirësuar në periudhën e kaluar, mbetet fakt se perceptimi i shkallës së mosndëshkimit të sulmuesve ndaj gazetarëve dhe punëtorëve mediatik mbetet i lartë dhe kjo duhet të ndryshojë.
Dragan Sekullovski, drejtor i SHGM-së theksoi se PTHP-ja ka obligim të ndjek rekomandimet e Këshillit të Evropës për mbrojtje më të madhe të gazetarëve, veçanërisht Rekomandimin CM/Rec (2016) 41 e Komitetit të Ministrave drejtuar shteteve anëtare për mbrojtjen e gazetarisë dhe e sigurisë së gazetarëve dhe aktorëve të tjerë mediatikë.
Sipas këtij rekomandimi, Maqedonia si shtet anëtar i Këshillit të Evropës ka për obligim të krijojë mekanizma për mbrojtjen e punëtorëve mediatikë kur të drejtat e tyre shkelen, kurse derisa pritet të votohen ndryshimet në Kodin Penal, departamenti special në PTHP që do të punojë për mbrojtjen e gazetarëve është model i mirë, tha Sekullovski.
Përveç kësaj, Sekullovski theksoi se për të ulur shkallën e mosndëshkimit, Prokuroria Publike duhet të hetojë rastet e vjetra në të cilat janë regjistruar kërcënime ndaj jetës së gazetarëve, si dhe të jetë proaktive në rastet kur gazetarët janë subjekt i gjuhës së qartë të urrejtjes dhe kërcënimeve në rrjetet sociale.
Shefi i Prokurorisë së Shkupit Gavrill Bubevski e shprehu kënaqësinë e tij që këto propozime konstruktive nga sindikatat janë të pranueshme dhe si institucion do të përpiqen që kërkesave nga SHGM dhe SPGPM shumë shpejtë t’iu përgjigjen pozitivisht.
Në takimin e sotëm u diskutua edhe për promovimin e transparencës në punën e prokurorëve, caktimin e prokurorëve për të punuar vetëm në rastet që përfshijnë gazetarë dhe punonjës të medias, si dhe për përmirësimin e bashkëpunimit të ndërsjellë për çështje me interes të përbashkët dhe mundësinë për të nënshkruar një memorandum të bashkëpunimit.
- LEXO: Dita Ndërkombëtare e Lirisë së Shtypit: Pandëshkueshmëria shqetësuese në nivel të Maqedonisë dhe ndërkombëtarisht
- LEOX: RMV, propozim-ligji për sulm ndaj gazetarëve ende në Kuvend
- LEXO: Maqedonia 33 vende më lart në Indeksin botëror të lirisë së medias – këtë vit metodologji e re llogaritëse
- LEXO: Liria e shprehjes në RMV cenohet nga kërcënimet dhe mungesa e reformave në media, vërejtje dhe nga Brukseli