Po hetohet pse kontrolli teknik ku “kaloi” autobusi fatal i “Besa Trans” nuk u mbyll
Prokuroria Themelore Publike për Ndjekjen e Krimit të Organizuar dhe Korrupsionit po heton përse në Ministrinë e Punëve të Brendshme me muaj të tërë është mbajtur në sirtar vendimi për ndalim të përkohshëm të punës të stacionit për kontroll teknik “Via Komerc”, ku për herë të fundit ka qenë në kontroll autobusi i kompanisë “Besa Trans”, i cili u dogj në Bullgari dhe 45 udhëtarë në të, raporton Fokus, përcjell Portalb.mk.
Informacionin e publikoi “360 gradë”, ndërsa Prokuroria e konfirmoi zyrtarisht për “Fokus”.
“Dje ka filluar procedura para-hetimore në Prokurorinë Themelore Publike për Ndjekjen e Krimit të Organizuar dhe Korrupsionit. Aktualisht po grumbullohet dokumentacioni i nevojshëm për zbardhjen e rastit. Për shkak të fshehtësisë së procedurës para hetimore, për momentin nuk mund të ndahen më shumë detaje”, bëjnë të ditur nga Prokuroria.
Vendimi për ndalimin e punës, të cilin “360 gradë” e publikoi për opinionin publik, është nënshkruar nga Ministri i Punëve të Brendshme, Oliver Spasovski, më 26 nëntor 2021 (tre ditë pas aksidentit të autobusit të “Besa Trans” në Bullgari).
Nga dokumenti shihet se parregullsi në punën e stacionit të kontrollit teknik në fshatin Gllumovë, komuna e Sarajit, janë zbuluar qysh më 12 gusht 2021, por për arsye të paqarta, ministri Spasovski nuk e ka nënshkruar vendimin për ndalim të përkohshëm të punës – deri në heqjen e lëshimeve, megjithëse propozim i tillë ishte përgatitur nga shërbimet përkatëse të Byrosë së Sigurisë Publike.
Ndërkohë, më 5 tetor 2021, autobusi i “Besa Trans” që u dogj në Bullgari dhe me vete mori 45 jetë njerëzish, e kishte kaluar kontrollin teknik në këtë stacion.
Përveç kësaj procedure, në Prokurorinë e Shkupit njëkohësisht është duke u zhvilluar procedurë para hetimore, e cila ka të bëjë me lëshime të tjera të mundshme nga ana e institucioneve përgjegjëse për kontrollin e punës së “Besa Trans”.
Deri në këtë moment, Prokuroria Publike, nuk ka informacione se pronari i kompanisë nuk është në dispozicion të organeve të rendit, përkatësisht ai gjatë procedurës së deritanishme ka bashkëpunuar me organet hetuese.
- LEXO: Prokuroria bullgare ka përfunduar hetimin për aksidentin tragjik: Shoferi ka humbur kontrollin e autobusit
- LEXO: Përfundoi grumbullimi i dëshmive për aksidentin me autobusin e Maqedonisë së Veriut në autostradën Struma në Bullgari
- LEXO: Tragjedi në Bullgari, 45 udhëtarë të vdekur në aksidentin e autobusit me targa të Maqedonisë
- LEXO: U varrosën viktimat e aksidentit në Bullgari
- LEXO: Sarafov: Shpejtësia e autobusit në aksidentin në “Strumа” ishte e papërshtatshme me kushtet e rrugës
- LEXO: “Royal Travel”: Nuk kemi asnjë lidhje me “Besa Transin”
- LEXO: “Besa Trans Preshevë” pas lajmeve në media u zhduk nga “Facebook” (Video)
- LEXO: Pronari i “Besa Trans”, Bekim Haxhiu: Nuk kam lidhje me “Besa Trans Preshevë”
- LEXO: “Besa Trans” nga Presheva organizon udhëtime për në Stamboll edhe për qytetarët e RMV-së
- LEXO: Një muaj nga aksidenti tragjik në Bullgari: Rezultatet e ekspertizës priten më 25 dhjetor
- LEXO: Një muaj pas aksidentit tragjik të autobusit në Bullgari: Hetimi për arsyet e aksidentit drejt fundit