VMRO-DPMNE sqaroi kushtet për hapjen e ndryshimeve kushtetuese
Partia opozitare VMRO-DPMNE, votat e të cilës janë të nevojshme për ndryshime kushtetuese, ka theksuar që nuk do të lejojë hapjen e ndryshimeve kushtetuese pa dëshmi të shkruar, transmeton Portalb.mk.
“Nuk lejojmë ndryshime të Kushtetutës dhe futjen e pakicave bullgare pa dëshmi të shkruar për gjuhën maqedone, popullin dhe historinë”, deklarojnë nga VMRO-DPMNE në lidhje me kërkesat për ndryshime kushtetuese, si një mundësi për zhbllokimin e procesit eurointegrues.
Ata theksojnë që nuk do të lejojnë që në kuadër të negociatave me Bullgarinë të diskutohet për Kushtetutën e Maqedonisë së Veriut, me qëllim ndryshimin e preambulës. Kjo parti vlerëson që ky nuk është qëndrim vetëm i partisë, por qëndrim i shumicës së popullit maqedonas, ndërsa kërkojnë nga kryeministri Dimitar Kovaçevski të mos dëmtojnë interesat shtetërore për interesa personale.
