Një strehimore në Poloni po i shpëton kafshët nga lufta në Ukrainë (VIDEO)
Jakub Kotowicz i do kafshët aq shumë sa vendosi që do të kalojë jetën e tij duke i shëruar ato. Por, veterineri polak nuk e kishte menduar kurrë se do të vërshohej papritur nga kafshët e shpëtuara nga lufta në vendin fqinj, shkruan CNN, transmeton Portalb.mk.
Kotowicz është me fondacionin ADA dhe ka një strehë që nuk i vrasin kafshët në Przemysl, Poloni, vetëm 30 minuta nga kufiri me Ukrainën.
Që kur bombat filluan të binin në Ukrainë, ai, veterinerët e tjerë dhe stafi nuk kanë fjetur fare, sepse nevoja për të gjetur strehim për kafshët e zhvendosura po rritet.
Anëtarët e stafit të fondacionit ADA po rrezikojnë jetën e tyre me makinë drejt Ukrainës për të ndihmuar në zbrazjen e strehëzave dhe po ofrojnë hapësirë dhe shërbime veterinare për kafshët që refugjatët nuk mund t’i mbajnë me vete ose t’i bartin në kufi. Kafshët e strehimoreve rrezikojnë të braktisen dhe më pas të vdesin nga uria ndërsa lufta i rrethon.
