fbpx

U parandalua vrasja e presidentit ukrainas, një grup çeçenë tentuan të vrisnin Zelenskyn

Ukraina ka pretenduar se ka shkatërruar sot një grup elitar luftëtarësh çeçenë që po komplotonin për të vrarë presidentin Volodymyr Zelensky, transmeton Dailymail.

Oleksiy Danilov, Sekretari i Këshillit të Sigurisë Kombëtare dhe Mbrojtjes së Ukrainës, tha gjatë një fjalimi televiziv sot se njësia “e cila erdhi për të vrarë Presidentin tonë, u eliminua”.

Më herët sot, Ramzan Kadyrov, ideri i Çeçenisë tha se çeçenët janë vrarë në pushtimin e Ukrainës nga Moska. Njësia u dërgua në Ukrainë nga Kadyrov, i cili është një aleat i vendosur i presidentit rus Vladimir Putin.

“Ne jemi tashmë të vetëdijshëm për operacionin special që do të kryhej nga njësia e forcave Kadyrov,” tha Danilov në kanalin televiziv “Ukraina 24″, raportoi The Mirror.

“Ne e morëm informacionin nga përfaqësues të Shërbimit Federal të Sigurisë së Rusisë, të cilët nuk duan të marrin pjesë në këtë luftë të përgjakshme. Njësia e forcave Kadyrov, e cila erdhi për të vrarë Presidentin tonë, u eliminua.”

Danilov tha se njësia ishte ndarë në dy grupe dhe lëvizjet e saj po gjurmoheshin nga afër.

Ai tha se një nga dy grupet u sulmua nga forcat e Ukrainës në Hostomel, një periferi veriperëndimore e kryeqytetit të Ukrainës.

“Njësia tjetër ishte ‘në pamjet tona. Ata u ndanë në dy grupe, ne po i gjurmuam”, tha Danilov në televizion. “Një grup u trajtua pranë Hostomel, tjetri është në vështrimin tonë”, tha ai.

Danilov vazhdoi: “Ne nuk do t’ia japim askujt Presidentin tonë apo vendin tonë. Kjo është toka jonë, largohuni nga këtu.’

Që nga fillimi i pushtimit rus më 24 shkurt, ka pasur frikë se presidenti Zelensky mund të vritej nga forcat ruse. Në një fjalim, ai madje tha se ishte objektivi numër një i vrasësve të Kremlinit.

“Unë jam objektivi numër një, gruaja dhe fëmijët e mi janë numri dy”, tha Zelensky javën e kaluar.

  • Dita e parë e konfliktit, lexo KËTU
  • Dita e dytë e konfliktit, lexo KËTU
  • Dita e tretë e konfliktit, lexo KËTU
  • Dita e katër e konfliktit, lexo KËTU
  • Dita e pestë e konfliktit, lexo KËTU
  • Dita e gjashtë e konfliktit, lexo KËTU
  • Dita e shtatë e konfliktit, lexo KËTU

Lajme të ngjashme

Leave a Reply

Your email address will not be published. Required fields are marked *

Back to top button