Të paktën pesë të vrarë nga sulmi në Kiev
Të paktën pesë persona janë vrarë pasi një kullë televizive u sulmua në Kiev të Ukrainës, transmeton REL.
Kulla gjendej pranë një memoriali kushtuar viktimave të Holokaustit, tha Qeveria ukrainase më 1 mars, teksa forcat ruse kanë bombarduar edhe sheshin kryesor në Harkiv dhe lokacione të tjera civile në këtë qytet lindor.
Ministria e Brendshme e Ukrainës postoi fotografi të tymit dhe zjarrit që dilte përreth kullës së sulmuar. Ndërkaq, Ministria e Jashtme e quajti “barbare” sulmin në Kiev.
Russian troops fired on the TV tower, near the Memorial complex #BabynYar.
Russian criminals do not stop at anything in their barbarism. Russia = barbarian. pic.twitter.com/MMJ6wSfpsS
— MFA of Ukraine ?? (@MFA_Ukraine) March 1, 2022
Mediat lokale raportuar për disa shpërthime pranë kullës televizive që ka ndërprerë transmetimin e disa mediave për një kohë të shkurtër.
Presidenti ukrainas, Volodymyr Zelensky, tha në Twitter se pesë persona janë vrarë. Ai po ashtu shprehu zemërimin e tij se bombardimet ndodhën pranë memorialit kushtuar masakrës së kryer nga nazistët.
Po ashtu ai kishte thënë më herët gjatë ditës se bombardimet në Harkiv ishin krime lufte. Bombardimet e fundit vijnë në kohën kur një konvoj i trupave ruse, i gjatë më shumë se 65 kilometra, është nisur drejt Kievit.
