Podolak: Negociatat janë të vështira, pala ruse është skajshmërisht e njëanshme
Negociatat janë të vështira. Megjithatë, tanimë pa kurrfarë ultimatumi të detyrueshëm. Për fat të keq, pala ruse ende është skajshmërisht e njëanshme lidhur me proceset destruktive që i filloi, publikoi sonte në Twitter këshilltari i presidentit ukrainas dhe anëtar i delegacionit ukrainas në negociatat me Rusinë, Mihailo Podolak, shkruan MIA, njofton Portalb.
Delegacionet e Rusisë dhe Ukrainës sot në qytetin ndërkufitar bjellorus Gomel, mbajtën raundin e parë të negociatave për ndërprerje të konfliktit pas çka janë kthyer në konsultime në kryeqytetet e tyre.
Moska dhe Kievi planifikojnë “raund të dytë” të bisedimeve për konfliktin, këtë e konfirmoi për mediat perëndimore, një anëtar i delegacionit ukrainas.
Shefi i delegacionit rus në negociatat Vlladimir Medinski deklaroi se të dyja palët kanë dakorduar që bisedimet të vazhdojnë dhe raundi i dytë të mbahet ditëve të ardhshme në kufirin polako-bjellorus.
“Më e rëndësishme është se u dakorduam të vazhdojë procesi negociues”, deklaroi Medinski pas përfundimit të raundit të parë të negociatave, që zgjati pesë orë.
Переговори між українською та російською делегаціями тривають. За кілька хвилин розпочнеться третій раунд.
— Михайло Подоляк (@Podolyak_M) February 28, 2022