Fokusi i bisedimeve sipas Ukrainës: Armëpushimi dhe tërheqja e trupave ruse

N. D. 10:33, 28-02-2022

DONETSK (AA) - Pamjet nga rajoni i Donetskut, i cili mbahet nga separatistët e mbështetur nga Rusia në Ukrainën lindore, tregojnë tanket ushtarake ruse teksa lëvizin në një drejtim. Kjo lëvizje e fundit vjen pasi Rusia njohu rajonet Luhansk dhe Donetsk si shtete "të pavarura" dhe njoftoi se do të dërgojë forcat ruse atje për "ruajtjen e paqes". ( Stringer - Anadolu Agency )

Bisedimet me delegacionin rus do të fokusohen në arritjen e një armëpushimi të menjëhershëm dhe tërheqjen e forcave ruse nga Ukraina, tha Presidenca ukrainase, transmeton REL.

Deklarata vjen pak kohë pas njoftimit se delegacioni ukraians ka arritur në një zonë në kufirin Ukrainë-Bjellorusi për bisedime me përfaqësues të Federatës Ruse.

Delegacioni ukrainas përfshin ministrin e Mbrojtjes, Oleksii Reznikov, dhe këshilltarin presidencial, Mykhailo Podolyak.

Për delegacionin rus tash për tash nuk ka detaje.

Ukraina është nën pushtimin e plotë rus qysh më 24 shkurt.

Së paku 352 civilë, përfshirë 14 fëmijë, janë vrarë që nga fillimi i pushtimit, tha të dielën Ministria e Shëndetësisë e Ukrainës. Mbi 1,600 njerëz u raportuan të plagosur.