U dogj një shtëpi në Shkup

Shtëpia në rrugën “1737” në Shkup u dogj nga zjarri që shpërtheu mbrëmë. Te zjarrfikësit rasti u paraqit në orën 03:20 dhe kanë ndërhyrë 13 zjarrfikës me gjashtë automjete, transmeton 360 Shkallë.

Komandanti i Brigadës Territoriale të Zjarrfikësve të Qytetit të Shkupit, Zvonko Tomevski, tha për MIA-n se zjarri ka përfshirë një sipërfaqe prej rreth 350 metra katrorë.

“Ka filluar nga bodrumi, u zgjerua në përdhes dhe në katin e parë”, tha Tomevski.

Pronarët e shtëpisë së djegur e kishin dhënë me qira dhe kishte një shtypshkronjë dhe zyra avokatie.