U sekuestruan përsëri pajisje për kriptovaluta në Prishtinë
Policia e Kosovës ka vazhduar aksionet për sekuestrimin e pajisjeve për mihje të kriptovalutave, raporton Koha.net.
Sipas njoftimit, Policia sot ka arritur të sekuestrojë “një numër të madh” pajisjesh për kriptovaluta në një lagje të Prishtinës, mirëpo nuk e ka bërë të ditur numrin e saktë.
“Operacioni është realizuar në një lagje të Prishtinës, ndërkohë që zyrtarët doganorë kanë proceduar më tej me rastin”, thuhet në njoftim.
Qeveria e Kosovës ditë më parë mori vendim për ndalimin e prodhimit të kriptovalutave për shkak të krizës energjetike.
