fbpx

Barcelona “blindoi” talentin, rinovim, premio dhe 1 miliard euro klauzolë

Gavi është një nga pasuritë më të mëdha të Barcelonës. 17-vjeçari debutoi në shkurtin e vitit të kaluar me ekipin katalanas, teksa është kthyer një një titullar fiks tek ekipi i Xavi, raporton SS.

Kontrata e tij përfundon në vitin 2023, ndërkohë që Chelsea ka kërkuar informacion për të. Thomas Tuchel e pëlqen shumë, por Barcelona nuk ka ndërmend të heqë dorë nga shërbimet e tij.

Kampionët e Evropës duhet të shohin për një tjetër mesfushor, pasi Barcelona do të rinovojë me adoleshentin e talentuar, i cili numëron katër ndeshje me kombëtaren e Spanjës.

Në Spanjë theksojnë se Gavin e pret një kontratë deri në verën e vitit 2026, rroga e tij sezonale do të rritet, teksa klauzola e shitjes së tij do të jetë as më pak dhe as më shumë se 1 miliard euro.

Bisedimet mes drejtuesve të Barçës dhe agjentit të lojtarit janë afër konkretizimit me firmë, me Gavin që do të përfitojë 1.5-2 milionë euro bonus në momentin që do të firmosë kontratën e re.

Lajme të ngjashme

Leave a Reply

Your email address will not be published. Required fields are marked *

Back to top button