Nuk u përfundua ashtu siç u premtua Bulevardi “Iliria”, ka skaduar kontrata për projektin
Bulevardi “Iliria” nuk është realizuar në formën që u premtua katër vite më parë. Në terren fare lehtë mund të shihen pjesët të cilat nuk janë realizuar, si mungesa e fontanave të ujit për pije, mbajtëset metalike të drunjve, ndriçimi LED dhe të tjera. Udhëheqsia paraprake e Komunës së Tetovës disa herë refuzuan të përgjigjen në pyetjet e Portalb.mk për këtë projekt, ndërsa nga udhëheqësia e re thanë se ky projekt është ndërprerë pasi i ka skaduar afati kontratës, shkruan Portalb.mk.
Bulevardi “Iliria” në Tetovë nuk është realizuar ashtu siç u premtua. Kjo mund të vërehet thjeshtë duke i shikuar fotografitë e projektit që i ka shpërndarë paraprakisht Komuna e Tetovës dhe fotografive nga terreni.
Nga udhëheqsia e re e komunës thanë se projekti i Bulevardit Iliria është ndërprerë sepse të njëjtit i ka skaduar afati i kontratës.
“Jemi në procedure për vazhdimin e të njëjtës”, thanë nga Komuna e Tetovës duke mos dhënë detaje të tjera.
Kështu u premtua:
Kështu duket sot:
Në këtë bulevard janë vendosur shumica e ulëseve prej druri por mungojnë në pjesën më të frekuentuar të kësaj zone gjegjësisht para bibliotekës, disa e kosha për mbeturina dhe disa konstruksione për biçikleta.
Edhe pse çmimi i rekonstruimit të këtij sheshi është marramendës, aty mungojnë:
- 12 fontanat me ujë për pije,
- Mbrojtëset metalike të drurëve,
- Ndriçimi LED i ulëseve prej druri,
- Disa ulëse prej druri- janë vendosur shumica,
- Disa konstruksione për parkim të biçikletave- janë vendosur shumica,
- Disa shporta për mbeturina – janë vendosur shumica.
Rikujtojmë që ish kryetarja e komunës, Teuta Arifi disa muaj më herët deklaroi se është çështje javësh përfundimi i këtij projekti, ndërkaq, tha se do të vendosen edhe fontanat të cilat janë paraparë në projektin paraprak, por nuk u bë.
Rikujtojmë se ky bulevard e “dërgoi” komunën e Tetovës para gjykatës. Sipas komunës së Tetovës, marrëveshja me kompaninë ndërtimore për sheshin “Iliria” është ndërprerë për shkak të zvarritjes së punëve. Nga ana tjetër, nga kompania e cila akuzohet si e papërgjegjshme nga Komuna e Tetovës, demantojnë këtë të fundit duke potencuar se kontrata është prishur për shkak të mospagesës për punën e kryer. Ata shtojnë se ky projekt ka qenë i dështuar prej kur ka filluar, në të gjitha aspektet.
Ndryshe, kompania e cila e ka fituar tenderin për vazhdimin e punëve në bulevardin “Iliria” është ANNRA CENTRUM me seli në Reçicë të Vogël, kjo e fundit, punët duhej ti përfundonte 60 ditë pasi të fillojë.
- LEXO: Bulevardi “Iliria”, projekti në realitet si prej “Ali Expressit”
- LEXO: Tetovë, bulevardi “Iliria” assesi të përfundojë që të merr pamje “evropiane”
- LEXO: Tetovë, pak ulëse e asnjë fontanë, sheshi “Iliria” nuk i ngjan asaj që u premtua nga kryetarja Arifi
- LEXO: Tetovë, trotuaret e papërfunduara njollë e qytetit, premtimi ende nuk është realizuar (FOTO)
- LEXO: Tetovë, filloi largimi i shitësve ambulant
- LEXO: Bulevardi “Iliria” në Tetovë, larg nga ajo që u premtua (FOTO)
- LEXO: Projekti 500 mijë eurosh i Komunës së Tetovës për sheshin “Iliria” në gjykatë, punët në terren larg nga e premtuara
