fbpx

Zaev u takua me Kastriot Rexhepin: Konfirmuan angazhimin e përbashkët për përforcimin e kursit evropian të vendit

Kryeministri Zoran Zaev sot në Qeveri ka takuar dhe ka biseduar me deputetin Kastriot Rexhepi. Siç njoftuan nga Qeveria, dy bashkëbiseduesit kanë konfirmuar angazhimin e përbashkët për mbajtjen dhe përforcimin e kursit reformues dhe evropian të vendit, si përcaktim i numrit të madh të qytetarëve në vend, transmeton Portalb.mk.

“Zaev dhe Rexhepi në bisedë potencuan se në vitet e fundit, shteti dhe populli kanë bërë hapa të mëdha për sigurimin e ardhmërisë së sigurt, me çka kanë shprehur bindjen se vullneti i popullit për jetë të qetë dhe të përbashkët në Maqedoninë e Veriut do të jetë e shprehur edhe më tej përmes shumicës demokratike stabile në Kuvend. Dy bashkëbiseduesit u pajtuan se raportet mes maqedonasve, shqiptarëve dhe të gjithë bashkësive të tjera etnike në Maqedoninë e Veriut janë vëllazërore, miqësorë dhe shoqërore dhe të gjithë aktorët politik kanë edhe obligim edhe përgjegjësi që këto raporte t’i kultivojnë dhe avancojnë”, thuhet në kumtesën e Qeverisë.

Po ashtu, në takim u theksuan pritjet për përmbushjen përfundimtare të premtimeve nga ana e Bashkimit Evropian dhe për mbajtjen e konferencës së parë ndërqeveritare me Maqedoninë e Veriut, me çka do të fillonin negociatat e vendit në BE.

Lajme të ngjashme

Leave a Reply

Your email address will not be published. Required fields are marked *

Back to top button