Një pjesë e deputetëve kanë tërhequr nënshkrimet e tyre nga lista për iniciativën e votëbesimit të Qeverisë së RMV
17 deputetë kanë tërhequr nënshkrimet në listën për iniciativën e dorëzuar për mocion të besimit të Qeverisë. Këtë e ka konfirmuar deputeti Aleksandar Nikollovski nga VMRO – DPMNE, i cili tha se kërkesa është dorëzuar në arkiv, shkruan Portalb.mk.
“Zgjidhja është se nesër do të bjerë Qeveria. Për arsye teknike, disa deputetë kanë tërhequr nënshkrimet e tyre kështu që, nesër presim të mbahet seanca dhe të bie Qeveria”, deklaroi Nikollovski.
Ndryshimi i listës së iniciativës për këtë, vjen pasi deputeti i Alternativës, Skender Rexhepi paralajmëroi se do të tërheq nënshkrimin e tij në këtë listë, pasi në të ndodhen edhe deputetët e “Të majtës”, gjë për të cilën siç pretendon ai, nuk ka qenë i informuar para se të nënshkruaj.
Pas kësaj, koordinatori i grupit parlamentar të VMRO – DPMNE-së, Nikolla Micevski, i propozoi Rexhepit që të dorëzojnë listë të re, pa deputetët e “Të majtës” dhe deputeti i Alternativës e pranoia ofertën.
Sipas nenit 214 paragrafi 5 i Rregullores së Kuvendit, mocioni i besimit të Qeverisë mund të tërhiqet deri para fillimit të seancës.
“Mocion për besimin e Qeverisë mund të dorëzojnë më së paku 20 deputetë. Mocioni i besimit të Qeverisë dorëzohet në formë të shkruar dhe dihet të arsyetohet. Mocion të besimit të Qeverisë mund të dorëzojë edhe kryetari i Qeverisë në formë të shkruar apo verbale në seancë të Kuvendit. Mocionin e besimit të Qeverisë kryetari i Kuvendit ua dorëzon menjëherë deputetëve, Qeverisë dhe kryetarit të shtetit, ndërsa kur kryetari i Qeverisë e parashtron verbalisht mocionin e besimit të Qeverisë, kryetari i Kuvendit e informon menjëherë kryetarin e shtetit. Mocioni i besimit të Qeverisë mund të tërhiqet deri në fillim të seancës së Kuvendit, në të cilën do të diskutohet për mocionin e besimit të Qeverisë”, qëndron në nenin e rregullores.
- LEXO: Debat dyditor i Alternativës për rrëzimin e Qeverisë, Rexhepi – Zejd e pranoi propozimin e Micevskit
- LEXO: Kuvendi i RMV-së të enjten do të mbajë seancën për votëbesimin e Qeverisë, edhe VMRO edhe Zaev pretendojnë se kanë shumicë (VIDEO)
- LEXO: Pas një jave heshtje, rishfaqet Zaev: Nuk do të lejojmë që Mickoski, Apasiev dhe Gruevski ta shkatërrojnë përsëri shtetin
- LEXO: VMRO DPMNE dorëzoi në Kuvend iniciativën për votëbesim të Qeverisë
- LEXO: Taravari: Në shumicën e re do të ketë edhe deputetë nga LSDM dhe nga BDI
- LEXO: Zaevit i kanë mbetur edhe disa orë të vendosë nëse do të dorëzojë dorëheqjen, apo do të shkohet në votëbesim
- LEXO: Rexhepi theu heshtjen: Nuk e lejoj që nënshkrimi im të jetë në një listë me “Të majtën”