Qeveria amerikane siguroi 3.1 milionë dollarë për qytetarët e Maqedonisë për vaksinim dhe parandalimin e përhapjes së kovid-19
Dje, qeveria e ShBA-së njoftoi ndihmë të re prej 2.7 milionë dollarësh për vendin për luftë kundër kovid-19 përmes USAID-it. Gjithashtu së fundmi për të njëjtin qëllim, vendit iu dha donacion në pajisje dhe material harxhues me vlerë 400.000 dollarë. Me këtë, nga fillimi i panemisë, ndihma e përgjithshme e SHBA-së për Maqedoninë e Veriut për përballimin e kovid-19 i kalon 9.2 milionë dollarë, transmeton Portalb.mk.
Ndihma e re e siguruar përmes Agjencisë së ShBA-së për zhvillim ndërkombëtar (USAID) do të zbatohet në partneritet me OBSh-në për forcim të mëtejshëm të kapacitetit të sistemit shëndetësor për t’iu përgjigjur krizave të tipit të pandemisë kovid-19 dhe sigurimin e një shkalle më të lartë të vaksinimit kundër Kovid- 19, si dhe zhvillimin e sigurt të vetë fushatës së vaksinimit.
Me këtë ndihmë, në bashkëpunim me UNICEF-in, do të zgjerohet fushata informuese për rreziqet e shmangies së imunizimit dhe nevojën e përfshirjes së komunitetit në funksion të shkallës më të lartë të vaksinimit kundër Kovid-19; më tej, do të ndihmojë aktivitetet që synojnë shëndetin mendor dhe mirëqenien e profesionistëve shëndetësorë të përfshirë në trajtimin e kovid-19; do të ndihmojë në forcimin e kapaciteteve të furnizimit me ujë, kushteve sanitare dhe higjienike dhe masave për parandalimin dhe kontrollin e infeksionit; dhe do të mundësojë bërjen e analizave dhe vlerësime të rëndësishme të të dhënave me qëllim përballje efikase me krizën e shkaktuar nga Kovid-19.
Dhurimi i pajisjeve nga Komanda Evropiane e ushtrisë amerikane do të ndihmojë në ruajtjen e zinxhirit të ftohtë i nevojshëm gjatë procesit të vaksinimit dhe bazohet në donacionet e mëparshme të pajisjeve dhe materialit të konsumit për punonjësit shëndetësorë, të cilët punojnë në vijën e parë në luftën kundër kovid-19 si dhe për gjatë testimit dhe kurimit.
Që nga fillimi i pandemisë, qeveria amerikane ka mbështetur vazhdimisht UNICEF-in dhe OBSH-në në forcimin e kapaciteteve të sistemit shëndetësor të Maqedonisë së Veriut për një përgjigje adekuate ndaj kovid-19 dhe në arritjen e një gjendjeje gatishmërie për kërcënimet e ardhshme shëndetësore dhe gjendjet e ardhshme të jashtëzakonshme shëndetësore. Ndihma për autoritetet kombëtare shëndetësore në hartimin, monitorimin dhe rregullimin e intervenimeve si përgjigje kundër Kovid-19 përfshin sigurimin e gatishmërisë për vendosjen e burimeve njerëzore dhe të tjera të nevojshme në vendet përkatëse për realizimin e vaksinimit, sigurimin e shpërndarjes së sigurt dhe efikase të vaksinave kundër kovid-19, ku përfshihet mirëmbajtjen e zinxhirit të ftohtë dhe digjitalizimin e sistemit të vaksinimit, mbikëqyrjes, kërkimit epidemiologjik, gjetjes së kontakteve dhe përshtatjes së masave dhe masave sociale në fushën e shëndetit publik.
Përmirësimi i kapaciteteve për planifikimin, monitorimin, analizën, komunikimin e rrezikut dhe përfshirjen e komunitetit, si dhe trajnimin e punonjësve shëndetësorë, personave kontaktues kombëtarë dhe lokalë dhe partnerëve për të adresuar nevojat më të gjera shëndetësore të popullatës janë gjithashtu një komponent i fortë i përpjekjeve të përbashkëta. Në mënyrë shtesë, programet e USAID-it ndihmojnë Kovid-19 në fushat e tij të rimëkëmbjes ekonomike, ofrimit të shërbimeve publike, demokracisë dhe qeverisjes, medias dhe fushave të tjera të prekura nga kriza Kovid-19.
Në mënyrë shtesë, programet e USAID-it kanë mbështetur përpjekjet për të trajtuar kovid-19 në shumë fusha, duke përfshirë rimëkëmbjen ekonomike të vendit, promovimin e shërbimeve publike, proceset demokratike dhe qeverisjen e mirë, si dhe mbështetjen për edukimin mediatik. Sëmundjet nuk njohin kufi. ShBA janë të përkushtuara të punojnë me vendin për t’i dhënë fund pandemisë Kovid-19, për të zbutur pasojat e saj shkatërruese sociale dhe ekonomike dhe për të ndërtuar një botë më të përgatitur si asnjëerë deri më tani për një përgjigje të përshtatshme ndaj epidemive të ardhshme.