fbpx

Izraeli goditi caqe ushtarake të Sirisë

Izraeli goditi pozicionet e mbajtura nga Qeveria siriane dhe aleatët e saj pro-iranianë pranë Damaskut gjatë natës (2 nëntor), tha Vëzhguesi Sirian për të Drejtat e Njeriut, një organizatë që monitoron luftën në Siri.

Agjencia shtetërore siriane e lajmeve SANA konfirmoi sulmet por tha se ato shkaktuan vetëm dëme materiale, transmeton REL.

“Një agresion me raketa u ndërmor nga armiku”, i ka thënë agjencisë një burim ushtarak.

Vëzhguesi Sirian për të Drejtat e Njeriut me bazë në Britani të Madhe tha se shënjestrat e sulmeve ishin pozicionet e ushtrisë dhe depot e armëve që u përkisnin milicive të mbështetur nga Irani.

Organizata tha se nga sulmet e ngjashme javën e kaluar janë vrarë pesë militantë.

Izraeli shumë rrallë i komenton sulmet në Siri, por ka konfirmuar kryerjen e qindra sulmeve që nga shpërthimi i luftës civile në vitin 2011.

Përpjekja e Izraelit është të ndalojë Iranin të fitojë terren.

Lajme të ngjashme

Leave a Reply

Your email address will not be published. Required fields are marked *

Back to top button