fbpx

Çfarë parashikojnë Kushtetuta dhe Rregullorja e Kuvendit pas dorëheqjes së kryeministrit

Në nenin 93 të Kushtetutës thuhet se “Dorëheqja e Kryeministrit, vdekja e tij ose pamundësia e përhershme për kryerjen e detyrës sjellin dorëheqjen e Qeverisë. Qeverisë, mandati i ndërpritet kur Kuvendi shpërndahet. Qeveria e cila ka marrë votëbesim, që ka dhënë dorëheqje apo që i është ndërprerë mandati për shkak të shpërndarjes së Kuvendit, qëndron në detyrë deri në zgjedhjen e qeverisë së re”, përcjell Portab.mk.

Në rast se Zaev e dorëzon menjëherë dorëheqjen e kryeministrit te kryeparmalentari Talat Xhaferi, sipas Kushtetutës, Xhaferi e informon presidentin Stevo Pendarovski. Nga ai moment ka një periudhë prej 10 ditësh në të cilën Pendarovski do të konsultohej me partitë kujt t’ia jepnin mandatin për formimin e qeverisë së re. Kryeministri i mandatuar i paraqet Kuvendit program dhe propozon përbërjen e Qeverisë në afat prej 20 ditësh nga dita e besimit të mandatit. Qeveria, me propozim të Kryeministrit dhe në bazë të programit, zgjedh Kuvendin me shumicën e votave nga numri i përgjithshëm i deputetëve.

Në nenin 219 të Rregullores së Kuvendit, nga ana tjetër, thuhet se “Qeveria, Kryeministri apo anëtar i Qeverisë mund të japin dorëheqje. Dorëheqja e Qeverisë ose e Kryeministrit i paraqitet kryetarit të Kuvendit me shkrim dhe mund të shpjegohet… Dorëheqjen e Qeverisë ose të kryeministrit, kryetari i Kuvendit ua dorëzon menjëherë deputetëve dhe presidentit të Republikës.

Në nenin 220 më tej thuhet se “Kuvendi në seancën e parë të radhës, pa debat, konstaton se mandati i Kryeministrit, Qeverisë apo anëtarit të Qeverisë përfundon ditën e mbajtjes së seancës”.

Nëse mbijeton kjo shumicë parlamentare, me kryeministër të ri, kryeministër të ardhshëm dhe ministra të rinj, do të qeverisë deri në shpërbërjen e Kuvendit.

E në rast se kjo mazhorancë nuk mbijeton, gjegjësisht Pendarovski ia jep mandatin VMRO-DPMNE-së, edhe ajo do të qeverisë derisa të shpërndahet kjo përbërje parlamentare.

E gjithë kjo shkruhet në nenin 93 të Kushtetutës: “Qeveria ka të drejtë të ngrejë çështje besimi para Kuvendit. Qeveria ka të drejtë të japë dorëheqjen. Dorëheqja e Kryeministrit, vdekja e tij ose pamundësia e përhershme për të mbajtur postin sjell dorëheqjen e Qeverisë. Mandati i Qeverisë përfundon me shpërndarjen e Kuvendit. “Një qeveri që ka marrë votëbesimin, që ka dhënë dorëheqjen apo që i është ndërprerë mandati për shkak të shpërndarjes së Kuvendit, qëndron në detyrë deri në zgjedhjen e qeverisë së re”.

Kryeministri Zoran Zaev dhe kryetari i LSDM-së në pushtet dje pas disfatës së partisë në zgjedhjet lokale në konferencën përfundimtare për media pas mbylljes së qendrave të votimit thanë se po jep dorëheqje nga të dyja funksionet.

“Marr përgjegjësinë për rezultatet e këqija të këtyre zgjedhjeve”, theksoi Zaev, duke uruar oponentët politikë për fitorennë zgjedhje.

Zaev në konferencën për media në selinë e partisë nuk ka bëri të ditur se çfarë më pas, kush do ta marrë drejtimin e partisë dhe as kush do ta marrë pozitën udhëheqëse në Qeveri.

Ai është kryetar i LSDM-së që nga viti 2013. Partia ka edhe nënkryetare, Sanja Lukarevska dhe katër nënkryetarë Mila Carovska, Venko Filipçe, Fatmir Bytyqi dhe Oliver Spasovski.

Në funksionin e kryeministrit është që prej 31 majit 2017 dhe fitoi mandatin e dytë si Kryeministër në zgjedhjet e 15 korrikut të vitit të kaluar.

Zaev dje, megjithatë, theksoi se mbetet i mendimit se nuk duhet të ketë zgjedhje të parakohshme parlamentare, pasi, siç tha, përpara qëndrojnë dy vite e gjysmë të shkëlqyera dhe unike për shtetin nga të cilat do të përfitojë i gjithë populli dhe shteti.

“Do të qëndroj për këtë periudhë derisa ka nevojë, që të ndihmoj, të riorganizohet një qeveri e re me shumicë progresive që ka dhe ekziston, madje mund të rritet”, tha Zaev.

Lajme të ngjashme

Leave a Reply

Your email address will not be published. Required fields are marked *

Back to top button