Rivali i Orbanit paralajmëroi ekstradimin e Gruevskit nëse i fiton zgjedhjet
Rivali i Viktor Orbanit, Peter Marki-Zai, i cili do t’i kundërvihet kryeministrin hungarez në zgjedhjet parlamentare të këtij viti, ka paralajmëruar ekstradimin e Nikolla Gruevskit në Maqedoninë e Veriut nëse fiton, përcjell Portalb.mk.
“Citati i kandidatit të opozitës Marki-Zai nga fjalimi i tij më 23 tetor: Nëse Orban humbet pushtetin vitin e ardhshëm, ish-kryeministri i Maqedonisë së Veriut, Nikola Gruevski, do të përballet me ekstradim (së bashku me biznesmenin jordanez Zaif Nafa dhe të tjerë)”, raporton analist politik Andras Tot-Cifra në rrjetet sociale.
Opposition PM candidate Marki-Zay quotes from his speech on October 23: if Orban loses power next year, former North Macedonia PM Nikola Gruevski will face extradition (along with Jordanian businessman Zaid Naffa and others.) https://t.co/cxU2EKmmWv
— András Tóth-Czifra (@NoYardstick) October 27, 2021
Të njëjtën gjë, por në gjuhën hungareze, tha dje edhe vetë Marki-Zai, duke theksuar se do ta ekstradojë “Gruevskin, Nafan dhe emigrantë të tjerë kriminelë të vendosur nga Fideszi”.
❗️Megmarad a kerítés és ki fogjuk utasítani a Fidesz által betelepített bűnöző migránsokat. Ki fogjuk adni a macedón Nikola Gruevszkit, a jordán Zaid Naffát és a többi, Fidesz által betelepített bűnöző migránst.https://t.co/k7xY1Q69ZT#csakfelfelé #választás2022 #MZP #migráns pic.twitter.com/iEHKiGcgWq
— Márki-Zay Péter (@markizaypeter) October 27, 2021
Zgjedhjet parlamentare në Hungari do të mbahen në pranverë të vitit 2022. Sipas anketave të fundit të disponueshme në “Politico”, rejtingu i opozitës së bashkuar, kandidati i së cilës është Marki-Zai, është i njëjtë me atë të partisë Fidesz të drejtuar nga Orban.
Mark-Zai është kryetar konservator i një qyteti të vogël në jug të Hungarisë. Ai u zgjodh kandidat i opozitës së bashkuar dhjetë ditë më parë në zgjedhjet e brendshme të organizuara nga gjashtë parti opozitare. Me 50 për qind të votave, ai fitoi besimin e bllokut në konkurrencë me Klara Dobrev, nënkryetare e Parlamentit Evropian dhe kandidate e Koalicionit Liberal Demokratik.
Gjashtë partitë që janë pjesë e opozitës së bashkuar krijuan një aleancë në vitin 2020 me qëllim që të zgjidhet vetëm një kundërshtar i Orbanit, si dhe një kandidat për çdo zonë elektorale që do të kundërshtojë Fidesz në zgjedhjet e ardhshme.
Orban është lideri i parë evropian që përveç kritikave të Komisionit Evropian, ka shpërfillur edhe ato të administratës së ish-presidentit amerikan Barack Obama për ndërtimin e një “shteti joliberal”.
Përndryshe, Gruevski u arratis në Hungari në nëntor 2018, kur duhej t’i dorëzohej vendimi për t’u dërguar në burg për ta vuajtur dënimin me burg për lëndën “Tank”.
