Borrel-Blinken: Shqipëria dhe Maqedonia e Veriut t’i fillojnë bisedimet pa zvarritje
Përfaqësuesi i lartë i BE-së Josep Borrel dhe sekretari shtetëror amerikan Antony Blinken në deklaratën e sotme të përbashkët theksojnë se BE-ja dhe SHBA-ja e përforcojnë angazhimin e tyre të përbashkët në Ballkanin Perëndimor, njofton Portalb.mk.
Ata thonë se Shqipëria dhe Maqedonia e Veriut duhet që t’i fillojnë bisedimet me BE-në pa anulime, por shprehin shqetësim në lidhje me “retorikën përçarëse” në BeH. Ata theksojnë se dialogu i lehtësuar nga BE është kyç për normalizimin e marrëdhënieve mes Kosovës dhe Serbisë.
Në deklaratë të përbashkët, thuhet se pas takimit të javës së kaluar në Uashington mes Borrellit dhe Blinkenit, BE dhe SHBA janë pajtuar që plotësisht ta përforcojnë angazhimin e tyre në Ballkanin Perëndimor që ta mbështesin zhvillimin e rajonit në rrugën evropiane.
“E nënvizojmë mbështetjen tonë të plotë për procesin e zgjerimit të BE-së. Anëtarësimi në BË, që është theksuar si prioritet për tërë Ballkanin Perëndimor, ndihmon në konsolidimin e institucioneve demokratike, mbrojtje të të drejtave themelore dhe avancim të sundimit të ligjit”, thuhet në deklaratën e përbashkët.
Në kumtesë shtohet se rajoni i përket BE-së, ndërkaq integrimi më i afërt do ta përforcojë stabilitetin dhe do të kontribuojë në prosperitetin e njerëzve të rajonit.
“Në këtë kontekst, theksojmë se bisedimet e anëtarësimit me Shqipërinë dhe Maqedoninë e Veriut duhet që të fillojnë pa zvarritje”, thotë Borrell dhe Blinken.
Ndryshe, Komisioni Evropian dje miratoi Pakon për Zgjerim 2021 bashkë me raportim e progresit për gjashtë vendet e Ballkanit Perëndimor, përfshirë edhe për Maqedoninë e Veriut. Në raportin që u prezantua dje pasdite në Parlamentin Evropian në Stresburg, Komisioni Evropian e kritikoi bllokadën për hapjen e bisedimeve dhe është e kënaqur që Maqedonia e Veriut vazhdon t’i plotësojë kriteret për anëtarësim të BE-së dhe që autoritetet tregojnë orientim të qartë pro evropian
Raportin e plotë të KE-së për Maqedoninë e Veriut mund ta gjeni: KËTU
- LEXO: Dorëzimi i Raportit të progresit, ambasadori Gir: Sistemi gjyqësor në RMV nuk është i përgatitur sa duhet
- LEXO: KE e miratoi raportin për Maqedoninë e Veriut: Vendi vazhdon t’i plotësojë kushtet për fillimin e bisedimeve
- LEXO: Pjesë nga Raporti i KE-së: Shtyrja e negociatave ndikon negativisht në besueshmërinë e RMV-së dhe BE-së
- LEXO: Kushtet e burgjeve në Maqedoninë e Veriut – therë në sy në rrugën drejt BE-së
- LEXO: Radev: Respektimi i të drejtave të bullgarëve në Maqedoninë e Veriut është paradhoma për anëtarësim në BE
- LEXO: Osmani: Nuk mund të kemi marrëveshje me Bullgarinë nëse në të nuk përfshihet data për konferencën e parë ndërqeveritare
