E kërcënoi kandidatin për kryetar përmes internetit, 27 vjeçari u arrestua gjatë hyrjes në Maqedoninë e Veriut

Gjykata ka pranuar propozimin e Prokurorisë Themelore Publike në Prilep, ashtu që vendosi tetë ditë paraburgim për 27 vjeçarin si të dyshuar për kërcënim të një kandidati për kryetar të Prilepit, transmeton Portalb.mk.

“Kërcënimet drejt kandidatit për kryetar të prilepit dhe familjes së tij, të dërguara përmes rrjetit social Fejsbuk, ishin lëndë për hetim nga Prokuroria Themelore Publike në Prilep dhe MPB-ja. Kërcënimet ishin nga 27 vjeçari nga Prilepi, përmes publikimeve në rrjetin social Fejsbuk”, raportojnë nga Prokuroria, duke sqaruar që i dyshuari dje është arrestuar në pikën kufitare në Tabanoc gjatë hyrjes në shtet.

Ai dyshohet për veprën penale “Kërcënim i sigurisë” në bazë të nenit 144, paragrafi 4 nga Kodi Penal, për çka është marrë në pyetje në Prokurori.

Ndryshe, më 5 tetor Policia e Maqedonisë së Veriut bëri të ditur se ka filluar procedurat për zbardhjen e rastit ku një 27 vjeçar dyshohet se ka kërcënuar një kandidat për kryetar në Prilep përmes tre postimeve në rrjetet sociale.

• LEXO: U arrestuan edhe katër persona për shitblerje të votës në Maqedoninë e Veriut, te ata u gjetën mbi 2 mijë euro
• LEXO: Prokuroria dha detaje në lidhje me arrestimin e 50 vjeçarit për shitblerje të votës
• LEXO: RMV, u arrestua personi i parë për zgjedhjet e 17 tetorit në lidhje me shitblerjen e votave
• LEXO: Përsëri prokurori Xhelal Bajrami do të jetë kryetar i Komisionit për ndjekjen e parregullsive zgjedhore në Maqedoninë e Veriut