Po kryhet inspektim në minierën Buçim: Prokuroria punon në zbardhjen e shkaqeve të aksidentit
Miniera Buçim në Radovish, mbrëmë gjatë punës humbën jetën dy persona, ndërsa edhe një person është me lëndime trupore, po kryhet ekspertizë nga ana e prokurorit publik nga Prokuroria Publike-Radovish së bashku me një person të krim-teknikës nga Ministria e Punëve të Brendshme dhe inspektorët për siguri gjatë punës, përcjellë Portalb.mk.
Siç informojnë nga Prokuroria, sipas informacioneve fillestare, aksidenti ka ndodhur gjatë pastrimit të dy kapanoneve, të larta 25 metra, me diametër 17 metra, në të cilat ruhet minerali. Personat që ndërruan jetë, banorë të Radovishit, anëtarë të shoqatës së alpinizmit “Ploça”, të moshës 20 dhe 45 vjeç, ishin angazhuar me marrëveshje mes dy personave juridikë për shërbim specifik për pastrimin e kapanoneve të mbushura me xehe.
“Gjatë inspektimit, pas udhëzimeve dhe urdhrave të prokurorisë, është kryer fotografimi në vendin e ngjarjes. Janl siguruar gjurmët e mbetura dhe objekte. Personat e pranishëm në vendngjarje janë identifikuar dhe intervistuar. Prokuroria lëshoi urdhra për sigurimin e dokumentacionit teknik për kapanonet, të gjithë dokumentacionin për angazhimin e klubit të alpinizmit ‘Ploça’, rregullat e funksionimit të njësisë punuese Flotacioni. Është lëshuar edhe urdhër për kryerjen e obduksionit të të vdekurve”, informoi Prokuroria Publike-Radovish.
Është ndaluar puna në atë pjesë të minierës dhe do të sigurohet nga punonjësit e policisë, me qëllim që inspektimi të vazhdojë sot së bashku me praninë e një inspektimi teknik me inxhinierët e minierave.
Prokuroria Themelore Publike në Radovish informon se janë ndërmarrë edhe veprime të tjera për zbulimin e shkaqeve të aksidentit.
