Zjarrfikësit e Shkupit ndërhynë sonte në ish-fabrikën “Treska”
Një ekip me automjet të Brigadës së Zjarrfikësve të Qytetit të Shkupit sonte intervenoi në zonën e ish-fabrikës së mobiljeve “Treska” pas një njoftimi nga qytetarët për tymin që përhapej nga salla e fabrikës, shkruan Meta.mk.
Ekipi ka ndërhyrë dhe ka shuar zjarrin.
“Ajo që tani shihet si tym është vetëm nga avullimi.” thanë zjarrfikësit e Shkupit për Meta.mk.
Në vendngjarje po qëndron një ekip i dytë për të monitoruar nëse zjarri mund të riaktualizohet.
Ekipi i Meta.mk në terren dëshmoi se sallat janë plot me mobilje dhe mbeturina dhe në rast se një zjarr tjetër mund të fillojë, do të krijojë tym shumë toksik që do të mbulojë shtëpitë dhe ndërtesat përreth në rrugët “Vlladimir Polezhinovski”, “Hristo Smirnenski”, “Teodosij Golloganov” dhe “Ruzvelltova”.
