fbpx

Amar Jonuzi, 12-vjeçari nga Kosova, habit me aftësitë e tij për programim (VIDEO)

Amar Januzi, 12-vjeçari nga Kosova, habit me aftësitë e tij për programim. Për ta lehtësuar komunikimin me prindërit e tij, ai krijoi një aplikacion i cili ndjek se ku janë dhe për sa orë do të arrijnë në shtëpi. Ashtu si çdo fëmijë i kohës moderne të teknologjisë, edhe Amari që në moshën 3-vjeçare ka nisur të përdor telefonin e mençur. Por, ndryshe nga moshatarët e tij, ai gjithnjë ka kërkuar në Google informata për programim, shkruan Portalb.

“Gjuha angleze më ka ndihmuar që unë të mund të marr informata për programim në Google. Zakonisht harxhoj rreth pesë orë në ditë nëpër rrjete sociale. Ndërsa kohën tjetër e kaloj duke luajtur me shokët e mi.” tha Amar Jonuzi.

Amari është pjesë e Shkollës “Innovation Academy” në Vushtrri të Kosovës. Kjo akademi është e përqëndruar te sektori i teknologjisë informative. Me ndihmën e profesorëve të akademisë, Amari arriti që të krijojë faqen e parë në gjuhën shqipe të Netflix.

“Për shkak të të drejtave autoriale nuk mund të publikohet ky projekt. Por, unë i kam shkruar Netflix-it për ta njoftuar me projektin që e kam punuar dhe për të kërkuar që në mesin e gjuhëve të jetë edhe shqipja.” tha Amari.

Mesazhi që Amari përcolli për moshatarët e tij ishte që të mësojnë dhe të përpiqen të avancohen sa më shumë.

Lajme të ngjashme

Leave a Reply

Your email address will not be published. Required fields are marked *

Back to top button