Messi “refuzoi” numrin 10, edhe pse Neymar ishte i gatshëm ta dorëzonte

Përvoja e re e Leo Messit te Parisi tashmë ka nisur. Lojtari tashmë ndodhet në kryeqytetin francez, ku përshëndeti që kishin nxituar për ta pritur. Jetë e re për “Pleshtin”, që do të ndryshojë jo vetëm kampionatin dhe shokët e skuadrës, por edhe numrin e fanellës, raporton SS. Argjentinasi, në fakt, ka vendosur të mos marrë numrin 10, pavarësisht se Neymar, që e mban aktualisht, ishte gati për t’ia dorëzuar.

Messi, megjithatë, me shumë respekt, e falënderoi Neymarin për gjestin dhe iu përgjigj: “Ju nuk duhet të ma jepni mua”. Ndoshta “ylli” argjentinas do të preferojë një mes numrave 19 dhe 30, që i ka përdorur në vitet e para si futbollist i Barcelonës.

Ndërsa Lionel zbarkoi në Paris këtë të martë, PSG njoftoi se do të zhvillojë një konferencë shtypi të mërkurën, në orën 11:00, në “Parc des Princes”.