Ish-presidenti Trump i dërgoi në gjykatë kompaninë Facebook, Google dhe Twitter
Ish presidenti Amerikan Donald Trump tha ditën e Mërkure se do të padisë në gjykatë Facebook, Twitter dhe Google si dhe CEO e tyre respektivë Zuckerberg, Dorsey dhe Pichai, raporton Koha.net.
Tre paditë u dërguan në gjykatën federale të shtetit të Floridas me argumentin se gjigantët e teknologjisë kanë shkelur Amendamentin e Parë.
Rrjeti social Facebook një muaj më parë tha se do të dëbonte Trump nga platforma të paktën deri në Janar të 2023. Ndërsa YouTube e ka dëbuar Trump pa afat. Paditë synojnë që të detyrojnë rrjetet social të rikthejnë profilet e Trump në platformat e tyre.
Gjithashtu kërkojnë që Seksioni 230 i Aktit për Komunikim të Mirësjelltë të shfuqizohet dhe të shpallet anti-kushtetues. Asnjë prej kompanive nuk ka komentuar paditë.
