Rritje e rrogës mesatare në Maqedoninë e Veriut në disa sektorë, por akoma nën 500 euro

Në Maqedoninë e Veriut sivjet është regjistruar rritje e rrogës mesatare bruto dhe neto rreth 10 përqind në krahasim me vitin e kaluar, ndërsa 2.9 % në krahasim me muajin mars, ashtu që rroga mesatare neto në muajin prill është regjistruar 28 438 denarë, transmeton Portalb.mk. 

“Kjo rritje ka ardhur si rezultat i para së gjithash, rritjes së pagës mesatare mujore neto për të punësuarit në sektorët: Arte, argëtim dhe rekreacion (28.6%) Veprimtaritë financiare dhe të sigurimit (24.0%) dhe Akomodimi dhe shërbimi ushqimor (21.7%)”, raportojnë nga Enti Shtetëror i Statistikave.

Raportohet që rroga mesatare neto pas rritjes prej 10.1% është 28 438 denarë, derisa rroga mesatare bruto shënoi rritje prej 10%, duke arritur vlerën  prej 42 441 denarë.

“Jemi të përkushtuar në realizimin e normave të rritjes ekonomike prej 4-5% dhe rritjen e pagave për 20% deri në 30% ose deri në 34 mijë denarë në katër vitet e ardhshme në mënyrë që të përmirësojmë standardin e qytetarëve dhe ekonominë në vend”, kishin premtuar në muajin janar nga Qeveria e Maqedonisë së Veriut.

Ndryshe, kryeministri i Maqedonisë së Veriut, Zoran Zaev, në fushatën parazgjedhore parlamentare për zgjedhjet e 15 korrikut premtoi se paga mesatare do të jetë 34 mijë denarë.

• LEXO: Rritje e rrogës mesatare për gjashtë përqind në Maqedoninë e Veriut, ndërkohë është regjistruar ulje në disa sektorë
• LEXO: RMV, paga më të larta, por fuqia blerëse më e vogël
• LEXO: Më e ulët se 500 euro rroga mesatare në Maqedoninë e Veriut, ulje dhe ngritje në disa sektorë
• LEXO: Rroga mesatare në Maqedoninë e Veriut nën 500 euro, rritje dhe ulje në disa sektorë
• LEXO: RMV, u regjistrua diku rritje e diku ulje e rrogës mesatare, Qeveria premtoi rritje deri 30%
• LEXO: Zaev: Rrogë minimale 20 mijë denarë, mesatare 34 mijë denarë dhe pension për personat mbi 65 vjet
• LEXO: RMV, rreth 300 denarë rritje mesatare të rrogës neto, në disa sektorë rritje më të madhe
• LEXO: RMV, Vetëm 14 denarë rritje të rrogës mesatare në muajin shtator, ulje në disa sektorë
• LEXO: ANALIZË:  Rroga mesatare në RMV u rrit për 39 euro – si u arrit kjo rritje? (Infografik)