Ka ndërruar jetë aktivisti dhe fotografi nga Gostivari, Jeton Aliji

Ka ndërruar jetë aktivisti nga Gostivari, i cili jeton në Gjermani, Jeton Aliji. Lajmin e ka bërë të ditur kryetari i Komunës së Gostivarit, Arben Taravari.

Ai për disa vite ka punuar në Komunën e Gostivarit, por edhe si prezantues në mediat lokale. Më pas, ai ka vazhduar karrierën e tij profesionale në fushën e fotografisë.

Aliji ka lindur në Sërmovë të Gostivarit, ndërkaq ka lënë bashkëshorten me dy fëmijë.

Redaksia e Portalb.mk u shpreh ngushëllime familjarëve dhe të afërmve të Alijit.